Það var eitthvað torkennilegt sem blasti við lögreglumanninum í Queensland í Ástralíu þegar hann stöðvaði ökumann nýverið. Bíllinn sem maðurinn ók var af gerðinni Suzuki Jimny frá 1990 og hafði bílnum verið breytt í pallbíl. En það vantaði eitthvað…

En þennan dag sem lögreglumaður nokkur í Queensland fylgdist með umferðinni þótti honum eitthvað undarlegt við miður fallegt ökutækið sem fangaði athygli hans.

Innsæi löggunnar reyndist rétt

Jú, mikið rétt: Bílstjórinn sat ekki í sætinu. Hann sat á dekki. Enda var ekkert sæti í bílnum. Það þurfti engan innanbílsarkitekt til að sjá að það vantaði nú eitthvað fleira í bílgarminn.

Bíldruslan reyndist algjörlega strípuð að innan og það að sætin vantaði var nú bara eitt af mörgu. Auðvitað bólaði ekki á neinum sætisbeltum en það fyrsta sem lögreglumaðurinn ætlaði að sekta ökumanninn fyrir var einmitt að vera ekki í belti. Þá bættist við að sitja ekki í sæti við akstur. Og svo auðvitað það að ekki væru sæti í bílnum svona yfirleitt. Já, það var af nógu að taka.

Og skammastu þín svo

Gírstöngin var eitthvað asnaleg og vantaði á hana hnúðinn. Það fór voðalega í taugarnar á lögreglumanninum sem virtist finna bílnum allt til foráttu, ekki síður en ökumanninum sjálfum.

Já, vonandi eru ekki öll samtölin (þetta var nú meira í ætt við eintal en jæja…) sem hann á við þá sem hann stoppar svona agalega kjánaleg.

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.