Umskiptin yfir í rafknúin farartæki eiga sér stað af ýmsum ástæðum, aðallega umhverfislegum. Bílaframleiðendur hafa raunar ekkert val en að draga verulega úr kolefnisfótspori sínu og losun gróðurhúsalofttegunda.
Þetta verður ekki mögulegt með brunahreyflum.
Rafbílar munu vissulega hjálpa en aðrir þættir skipta líka máli. Hvaðan kemur til dæmis orkan sem þarf til að knýja þá? Að brenna kolum til að knýja raforkukerfið er ekki beint grænt.
Orkan á Íslandi góður kostur
Í tilefni af frumsýningu Polestar 2 (reynsluakstursgrein um Polestar 2 birtist á Bílabloggi í dag) á Íslandi segir Nils Mösko, forstöðumaður stefnumótunar og viðskiptaþróunar hjá Polestar: „Við hlökkum til að koma með Polestar til Íslands sem er í fararbroddi í heiminum þegar kemur að grænni orku.
Þar sem raforkan á Íslandi er næstum 100% endurnýjanleg og metnaður okkar til að ná kolefnishlutleysi er mikill, erum við líka mjög stolt af því að bæta Íslandi við markaðssvæðin okkar.
Sem framleiðandi hágæða rafbíla fannst okkur Brimborg vera kjörinn samstarfsaðili og við erum ákaflega ánægð með að vera komin í samstarf með þeim.“
Bílaframleiðendur axla ábyrgð
„Bílaframleiðendur þurfa að axla alla ábyrgð,“ sagði forstjóri Polestar, Thomas Ingenlath. „Í hverri viku sjáum við nýja tilkynningu um að bílaframleiðandi sé að breyta um stefnu í átt að rafvæðingu. En það er ekki nóg að fara í rafmagn eitt sér. Að gera bíla rafknúna er ekki lokaleikurinn, það er upphafspunktur. Við þurfum að vera heiðarleg og gagnsæ. Traust neytenda er mikilvægt.“
Fyrirtækið vísar í nýlegar rannsóknir sem benda til þess að aðeins einn af hverjum fjórum bílaviðskiptavinum treysti bílaframleiðendum varðandi gagnsæi.
„Fólk sem kaupir bíla Polestar og rafbíla almennt þessa dagana gerir það oft vegna þess að því er annt um umhverfið og félagslegt réttlæti.“
Kolefnisfótspor 24-25 tonn í upphafi aksturs
Þessar upplýsingar sýna að bíllinn með einum mótor af langdrægari gerð og staðalgerð með einum mótor yfirgefa kínversku verksmiðjuna með kolefnisfótspor á bilinu 24 til 25 tonn af C02e.
Tækni rafbíla skilar bíl með innan við en helmingi minni áhrifum kolefnisspors í akstri en jafngildi bensínbíls ef hann er hlaðinn grænni orku. Spurningin er hvernig bílaframleiðendur munu tileinka sér þetta gagnsæi?
Polestar, sem hefur það að markmiði að smíða fyrsta loftslagshlutlausa farartækið í heimi, vill vera gagnsætt varðandi kolefnisfótspor bíla sinna. Eigendur nýja Polestar 2 geta nú þegar fengið aðgang að yfirlýsingu um sjálfbærni vörunnar, sem sýnir mikilvæg gögn eins og C02e fótspor og uppruna efna til smíðinnar.
Hér má sjá dæmi um útreikning á kolefnisfótspori Polestar 2 frá óháðum aðila, Bolin 2020. Þarna er gengið út frá endurnýjanlegri orku frá vindrafstöðvum og að kolefnisfótsporið sé á líftíma bílsins, 200.000 km, sem 27 tonn.
Hér er hins vegar samanburðaryfirlit á milli Volvo XC40 með hefðbundinni brunavél og þar er kolefnisfótsporið áætlað 58 tonn. Þá er áætlun fyrir Polestar 2 sem nota myndi raforku frá blönduðu raforkukerfi, og þá er fótsporið komið í 50 tonn, og loks er lengst til hægri fótsporið frá bíl sem nota myndi rafmagn frá endurnýjanlegum orkugjöfum, 27 tonn.
Aðrar umfjallanir
Fyrstu Grenadier-jepparnir í forframleiðslu eru nú þegar að renna af línunni í Hambach verksmiðju Ineos. Fjöldaframleiðsla hefst í sumar...
Á meðan Chevrolet var til sölu hjá Bílabúð Benna var smábíllinn Spark vinsæll meðal kaupenda; lítill snaggaralegur bíll með dágott notagildi. En nú er hann að renna sitt skeið á enda í Bandaríkjunum líka.
Hér samantekt vikunnar af verkstæðisvitleysu frá útlöndum. Eins og bifvélavirkjar vita þá er það nú alls ekki alltaf rétt að viðskiptavinurinn hafi alltaf „rétt fyrir sér“ en hér eru nokkur dæmi um slík tilvik.
Fjögurra gíra fjögurra strokka, næstum eins mikið tákn og hinn upprunalegi Land Rover, er enn á lífi. Hin 50 ára gamla Lada Niva verður brátt sett saman í Þýskalandi, með nýrri driflínu.