Íslandsmeistararnir í ralli, Gunnar Karl og Ísak luku keppni í Cambrian rallinu í Norður-Wales, og gott betur en það!
Þeir unnu sig hratt upp listann, þ.e. þeir óku hratt og örugglega.
Eins og kom fram í viðtalinu í gær voru þeir númer 28 í rásröðinni en hraðinn á þeim sýndi að þar voru þeir vanmetnir því þeir enduðu í 9. sæti yfir heildina. Það verður að teljast æði góður árangur!
Margir á öflugri bílum en fáir gerðu betur en strákarnir
Hundrað þrjátíu og sex áhafnir hófu keppni í morgun. 40 náðu ekki að klára af ýmsum ástæðum. Um miðbik keppninnar kom upp bensínleki í bíl Gunnars Karls og Ísaks en bensínáfyllingar eru bannaðar nema á þar til gerðum svæðum svo þeir þurftu að spara bensínið og slökkva á svonefndum „anti-lag“ búnaði sem eykur afl vélarinnar. Þetta hafði einhver áhrif en rétt viðbrögð þeirra og þjónustuliðsins skilaði þeim í mark, sem er betra en að keyra fulla ferð og geta svo ekki klárað.
Mynd sem Ísak tók í morgun rétt áður en þeir brunuðu af stað. Svona lítur „skrifstofa“ aðstoðarökumannsins út! Og þetta skrautlega sem við sjáum neðarlega til vinstri er ekki risablýantur heldur handbremsan!
Rallið er flokkaskipt og keppa þeir Gunnar Karl og Ísak í flokki sem heitir B13. Bílar í þeim flokki eru sambærilegir toppbílum í rallinu hér heima en samt mátti heyra á Gunnari í gær að flestir hinna B13 bílanna væru talsvert meira breyttir en þeirra bíll og meira í þá lagt. Í mörgum tilvikum tvöfalt dýrari en bíll Íslandsmeistaranna.
Bíllinn „græjaður“ í gærkvöldi.
Þeir urðu í fjórða sæti í sínum flokki og var það í samræmi við markmið þeirra, svo ég vitni aftur í orð Gunnars Karls frá því í gær:
„Við ætlum að reyna að vera eins ofarlega og við getum. Topp fimm er held ég raunhæft markmið og auðvitað væri rosalega gaman að komast á pall!“
Þeir voru sannarlega nærri því að komast á pall en árangurinn er virkilega góður og megum við vera stolt af „strákunum okkar“!
Aðrar umfjallanir
Það er margt sem er skrítið í heiminum – allavega að mati okkar Vesturlandabúa. Austur í Kína þykir það ekkert dónalegt að stela hugmyndum og græða á þeim...
Kuleshov Timur Aleksandrovich er fæddur árið 2012 í Úkraínu. Hann er fáránlega flinkur að aka mótorhjólum og hefur verið síðan hann var tveggja ára gamall! Tæplega fimm ára hafði hann unnið yfir 50 verðlaunagripi fyrir afrek í sportinu.
Í Nuuk á Grænlandi eru um 5.000 bílar og malbikaðir vegir sem hægt er að aka þeim eftir eru samtals um 120 kílómetrar. Á Grænlandi eru rétt um 6.000 bílar í heildina og Nuuk er sá staður þar sem hægt er að aka aðeins lengra en á milli húsa.
Honda mun setja ZR-V lítinn jeppa á markað í Evrópu á næsta ári þar sem bílaframleiðandinn stækkar rafknúið úrval sitt á svæðinu.