Endurbættur Kaiser Jeep M725
Við höfum sagt frá því að í næstu viku verður SEMA sérbúnaðarsýningin haldin í Las Vegas í Bandaríkjunum. Þar sýna framleiðendur búnað fyrir bíla, einkum fyrir torfærutæki, og ýmsa bíla þar á meðal „sérsmíði“. Þar á meðal þennan sem fjallað er um hér, Kaiser Jeep M725, á vef Autoblog.
Minnir á sjúkrabíla hjálparsveitanna
Fyrir mörgum áratugum starfaði sá sem þetta skrifar í Hjálparsveit skáta í Hafnarfirði. Fyrsti bíllinn sem við eignuðumst var forláta sjúkrabíll sem kom beint frá sjúkrahúsinu á Keflavíkurflugvelli á sínum tíma, og reyndist sveitinni mjög vel.
Dodge M43 Ambulance (G-741) '1951–68
Hjálparsveitarbíllinn í Hafnarfirði var af þessari gerð - M43 sjúkrabíllinn var framleiddur til að leysa af hólmi Dodge WC-54 og WC-64 KD sjúkrabílana frá seinni heimstyrjöldinni.
Kaiser M725
Þegar bandaríski herinn ákvað að hann vildi taka í notkun ódýrari fjórhjóladrifs valkost en Dodge G-741, árið 1965, sneri hann sér að borgaralegum markaði þar sem hann fann Kaiser-Jeep „Gladiator“ pallbílinn. Niðurstaðan var G-890 röð pallbíla, sem gerir þá að fyrstu M-röð hernaðarfarartækja, sem voru byggð, til að nota fyrst og fremst íhluti úr bílum fyrir almennan markað.
Í mars 1966 samdi herinn við Kaiser um að framleiða 20.680 M715 pallbíla og M725 sjúkrabíla. Fyrstu pallbílarnir rúlluðu af færibandinu í Toledo í Ohio, í janúar 1967. Þegar framleiðslan hætti 1969 höfðu meira en 30.500 pallbílar af seríu M715 verið smíðaðir.
Sjúkrabílagerðin var með sama stýrishúsi og framhluta og M715. Að aftan var hins vegar sjúkrabílshús með fjórum grindum fyrir sjúkrabörur, skurðarljósi, loftræstingu, tvöföldum afturhurðum og bensínmiðstöð.
En meira um nýja Kaiser Jeep á SEMA
Það kviknaði á gömlum minningum þegar myndir af þessum bíl á SEMA-sýningunni birtust á vef Autoblog í Bandaríkjunum, því líkindin við gamla sjúkrabílinn okkar í hjálparsveitinni eru mikil.
En þessi bíll á rætur að rekja til Stellantis, sem á í dag Jeep og allt sem þeim tilheyrir. Þeir fundu gamlan Kaiser Jeep M725 hersjúkrabíl og gerðu eitt og annað til að gera hann nútímalegri og frábærum ferðabíl, sem hægt er að fara á hvert sem er.
Undir vélarhlífinni er 485 hestafla 6,4 lítra V8 pöruð við gamaldags TorqueFlight 727 sjálfskiptingu, skipt með B&M skiptingu sem sett er í endurnýjaðan skotfærakassa. Hann er þó enn fjórhjóladrifinn og með gömlu öxlunum, en þeir eru festir með gormum í stað upprunalegu blaðfjaðranna. Allt er þetta á 20 tommu felgum með 40 tommu dekkjum, sem passa aðeins eftir að búið er að opna brettin aðeins.
Aðrar uppfærslur fela í sér LED lýsingu allan hringinn, styrkta grind og bakkmyndavél. Farangursrýmið að aftan hefur einnig breyst í eins konar drykkjarveitingastöð með útfellanlegu hliðarborði og uppsprettanlegu þaki.
Í innanrými eru nokkrir kranar til að bera fram froðukennda drykkinn þinn að eigin vali og jeppagrills-myndin á hliðinni, (þegar búið er að opna hliðina) er búin til úr flöskum.
Farþegarýmið er enn frekar bert og málað í sama brúna litnum og að utan, en bíllinn er með sérsniðnu stýri, gagnaborði, mælum og Wrangler sætum sem eru klædd brúnu strigaáklæði.
En látum myndirnar frá Jeep tala sínu máli:
Einfaldleikinn ræður enn ríkjum hvað varðar stjórnbúnaðinn
B&M skiptingin er felld inn í fyrrum skotfærakassa
Vélin er 485 hestafla 6,4 lítra V8 HEMI
Aðrar umfjallanir
Gerð sem byggð er á hinum gamla góða Renault 4 mun verða frumsýnd eftir 2024, og mun...
Tilkynnt hefur verið um bílana sjö á forvalslistanum fyrir bíl ársins 2023 í Evrópu, en sigurvegarinn verður opinberaður í janúar...
Plymouth Hemi Cuda Convertible (blæju) árgerð 1970 er væntanlega einn af þeim sem lenda ofarlega á óskalista bílasafnara...
Svo skelfilega vildi til að bílaflutningabíll, hlaðinn splunkunýjum Chevrolet C8 Corvettum, brann og allt sem á honum var þegar verið var að ferja sportbílana sl. þriðjudag.