Sjaldgæfur Plymouth
Plymouth Hemi Cuda Convertible (blæju) árgerð 1970 er væntanlega einn af þeim sem lenda ofarlega á óskalista bílasafnara. Sagt er að Hemi Cuda Convertible sé einn eftirsóttasti „kaggi” allra tíma.
Eins og svo margir flottir og athyglisverðir bílar sjöunda og áttunda áratugarins var þessi kraftaköggull framleiddur í fáum eintökum og í mjög stuttan tíma.
Það þýðir að safnarar ásækjast þessa bíla í dag og eru tilbúnir að greiða fyrir þá háar fjárhæðir. Reyndar var framleiðslutímabilið afar stutt eða frá 1970 til 71. Boddýlag þessara bíla er kallað E-body.
Öflgur 8 strokka mótor
Þessi Hemi Cuda blæja var framleidd með E74, 426 kúbika mótor sem staðalbúnaði frá verksmiðju.
Þetta þótti mönnum afar eftirsóknarvert enda 426 HEM vélin víðfræg fyrir aflið sem hún gaf. Standard aflið sem svona vél var að gefa var um 425 hestöfl.
Togið í vélinni var um 486 ft-lbs. Það sem gerði þennan mótor svo kraftmikinn sem raun bar vitni var að kertaþræðirnir lágu beint ofan í heddið og gerði hann þannig mun kraftmeiri en aðra átta strokka mótora.
Sportlegur frá toppi til táar
Þessi bíll er beinskiptur og málaður í mjög sterkum og áberandi gulum lit sem kallast Lemon Twist. Brún innréttingin er klassík og blæjan svört.
Cudan var skreytt með ýmsum búnaði eins og gráum sílsum og yfir gulum felgunum eru smekklegir litlir hjólkoppar.
Shaker loftinntak á húddi, vökvabremsur, tvö púst og sportsæti. Shaker loftinntakið er staðsett beint fyrir ofan loftinntakið til að fá kalt loftið stystu leið inn í mótorinn og ná þannig sem mestu út úr mótornum.
Hrópandi gulur
Bíllinn var gerður upp fyrir fáeinum árum. Þá var hann tekinn alveg í frumeindir, allt niður í minnstu skrúfur. Í endursmíðinni var pælt nákvæmlega í því hvernig bíllinn kom frá verksmiðjunni og algjörlega farið eftir forskriftinni.
Vekur athygli
Vegna þess hve bíllinn er vel uppgerður var teyminu sem stóð að endurgerðinni boðið að sýna bílinn á MCCAN, sem er ein fjölmennasta samkoma áhugamanna um upprunalega verksmiðjubyggða E-body, Hemi blæjubíla – já, þau eru mörg samtök bíla áhugamanna í Bandaríkjunum.
Einn af 18 bílum
Aðeins voru framleidd 18 stykki af Plymouth Cuda blæjum árið 1970. Bílar þessir eru afar eftirsóknaverðir og erfitt að fá. Þessi er reyndar ekki til sölu í augnablikinu.
Margir sjaldgæfir fornbílar eru í einkaeigu og lokaðir inni og sjást því sjaldan – nema á sérstökum sýningum.
Og þessum bíl fyglir náttla eigendasaga, handbækur, myndir af endurgerðinni og skráningarskjöl. Verðið á svona bíl er áætlað rúmar 2 milljónir dollara.
Heimild: Legendary Motorcar Company
Aðrar umfjallanir
Hinn 86 ára gamli Jose Mujica var forseti Úrúgvæ frá 2010-2015. Munið þið eftir honum? Hann var af mörgum kallaður „nægjusamasti þjóðarleiðtogi í heimi“ en af öðrum „fátækasti forsetinn“. Forsetabíllinn var VW bjalla frá 1987. Forsetinn „þurfti“ ekki annan bíl.
Mikill og hátíðlegur hópakstur opinna Ferrari sportbíla hófst formlega í fyrradag, 27. júní, í Maranella á Ítalíu. Um 80 Ferrari Monza SP1 og SP2 taka þátt í Ferrari Cavalcade en ekið er um Ítalíu, Frakkland og Mónakó. Þetta byrjaði samt á óheppilegu atviki.
Hyundai hefur sent frá sér bráðabirgðaupplýsingar og myndir til forskoðunar af uppfærðri gerð Kona „crossover“...
Bæði Discovery og Defender-jepparnir frá Land Rover flokkast örugglega í hugum margra sem vel búnir jeppar, nánast „lúxusjeppar“ – en gott má gera betra!