Eftir birtingu greinar um hið umdeilda grill á Lexus LX, sem kynntur var í síðustu viku, er ekki úr vegi að skoða fleiri grill sem augun eiga eftir að venjast á bílum næsta árs.
Grillið sem grillaði ærlega í lesendum. Lexus LX 2022: Hann er þarna fyrir aftan grillið blessaður! Mynd/Lexus Europe
Viðbrögð þeirra sem létu skoðun sína í ljós á grilli Lexus LX voru flest, nei ekki flest heldur öll, á þá leið að þetta væri ljótt grill og það hreint úr sagt stuðaði fólk. Vonda grillið.
Grillið er sannarlega sá hluti bílsins sem margir taka fyrst eftir. Grill rafbíla eru svo sérstakur kapítuli en um þau er til dæmis fjallað í góðri grein hér. Grillið umdeilda á Lexus LX virðist vera í takt við það sem bílaframleiðendur og hönnuðir hafa búið okkur undir: Grill verða áberandi í hönnun bíla næstu árin.
Já, árið 2022 gæti orðið grillárið mikla. Er hér loks brotið blað í grillsögunni?
Nei, það leyfir undirrituð sér að draga verulega í efa. Leyfum myndunum að gera það sem þær gera best: Segja meira en þúsund orð:
Lincoln Continental með þessu grilli hefur nú þótt æði framúrstefnulegur á sínum tíma. Eða hvað? Mynd/Unsplash
Audi Skysphere er enn á eins konar hugmyndastigi en eflaust „jesúsa“ margir sig yfir grillinu. Þetta er öðruvísi en þarf það endilega að vera vont? Mynd/Audi
Nútíminn er trunta
Með tóman grautahaus.
Hjartað það er hrímað
Því heilinn gengur laus.
Nei hættu nú alveg! Og árið er...1935, eða þar um bil. Forljótt grill eða eftirsóknarvert? Það er nú það. Sumir hafa örugglega hugsað sig tvisvar um áður en tengdamömmu var boðið í bíltúr þegar þessi Citroen Traction Avant var nýkominn á markað. Mynd/Unsplash
En í dag eru hönnuðir ekki svona villtir og trylltir. Jú, það eru þeir reyndar. Skoðum tvo bíla frá Toyota:
Toyota Land Cruiser 300 skartar alveg grilluðu grilli! Mynd/Toyota.com
Toyota Tundra 2022 kemur sprúðlandi fersk á markað í Bandaríkjunum. Og Tundra er auðvitað með grill. Mynd/Toyota USA
Sumir bílar hafa sýnt „tennurnar“
Aðrir brosa í myrkri eins og sumra drauga er siður. Rolls Royce Ghost 2022
Ekki veit ég hvort nútíminn sé „trunta“ í raun og veru en ýmsu er hægt að venjast og sýna þessar myndir af gömlum og nýjum bílum kannski að grill geta í upphafi virst alveg gapandi galin en eftir því sem árin líða verða þessi sömu grill fallegri og fallegri. Í sumum tilvikum alla vega!
Aðrar umfjallanir
Í febrúar voru 618 fólks- og sendibílar nýskráðir hér á landi. Þar af voru 178 af merkjum sem BL hefur umboð fyrir og var markaðshlutdeild...
Bílaumboðið Askja hefur um árabil verið með sína starfsemi við Krókhálsinn, því að Krókhálsi 11 er sala og þjónusta Mercedes-Benz fólks...
Spurning hvort þetta sé einn sá svalasti Dodge Charger sem sést hefur til þessa? SpeedKore sem sérhæfir sig í ofurútfærslum...
Það gerist ekki betra en þetta: Sá besti af þeim bestu. Hyundai SEVEN hugmyndabíllinn vann til Red Dot verðlaunanna 2022 „Best of the Best“ en það eru virt hönnunarverðlaun.