Volkswagen skoðar öflugan rafdrifinn Scout torfærubíl

Gæti hugsanlega komið á markað árið 2023

Volkswagen hefur farið sér hægt varðandi „alvöru“ torfærubíla, en þó hafa öðru hvoru borist fréttir af því að þar á bæ séu menn að velta svona bílum fyrir sér.

VW á Scout-nafnið

VW á nú réttinn á nafninu „Scout“ í gegnum Traton, dótturfyrirtæki sem sameinar vörumerki Man, Scania og Navistar undir sömu „regnhlíf“ fyrirtækja. Fyrir þá sem ekki þekkja til þess síðastnefnda var Navistar stofnað árið 1986 sem beinn arftaki gamla International Harvester fyrirtækisins og það á vörumerkið „Scout“ til þessa dags.

Sérstaklega vísar vörumerkið til bíla, léttra og meðalstórra flutningabíla og jeppa með heildarþyngd yfir 1.088 kg.

Mörg ár í svona bíl frá Wolfsburg

Óháð nafninu þá eru líklega enn mörg ár í slíkan hugsanlegan alhliða rafbíl frá Wolfsburg. Þegar öllu er á botninn hvolft hefur þýska vörumerkið þegar kynnt Trinity fólksbílinn sem kemur árið 2026, og þó það þýði ekki endilega að „skátinn“ komi eftir það hefur VW meira til að fást við.

Það er enn ráðgáta hvaða grunn bíllinn myndi nota þar sem VW hefur þegar tilkynnt að það muni sameina MEB og PPE grunna til að búa til einn breytilegan grunn (SSP).

Þar sem Jeep hefur þegar gefið í skyn rafmagnaðan Wrangler og fréttir af Ford benda einnig til þess að rafbílsútgáfa af Bronco sé væntanleg, þá væri skynsamlegt fyrir VW að vilja vera hluti af hasarnum með eigin torfærubíl.

(frétt byggð á greinum á vef Auto Spies og Motor Trend)