Highlander kemur til Íslands

Toyota á Íslandi fær glæsilega viðbót í vörulínuna í janúar 2021 þegar Toyota Highlander verður kynntur í fyrsta sinn í V-Evrópu. Þessi bíll hefur notið mikilla vinsælda víða um heim frá því hann kom fyrst á markað árið 2000, ekki síst í Bandaríkjunum. Highlander er stór sportjeppi með góða aksturseiginleika og mikið innanrými, 2 tonna dráttargetu og veghæð sem sæmir öflugum sportjeppa eða 20,3 cm. Hröðun rá 0-100 km/klst. er 8,3 sek.

Með þessu skrefi býður Toyota upp á enn fleiri lausnir í einum kröfuharðasta og vinsælasta flokki bíla á Íslandi með tæknilega vönduðum og sérstaklega rúmgóðum Hybrid sportjeppa. Tvö niðurfellanleg sæti eru aftast í bílnum og er því pláss fyrir 7 í Highlander.

Toyota Highlander er glæsilegur á götu, 4,95 m langur með 658 lítra farangursrými. Auðvelt er að fella niður tvær sætaraðir og mynda þannig 1.909 lítra farangursrými með sléttu gólfi. Highlander er búinn Toyota Safety Sense 2.5 sem er nýjasta útgáfa af öryggiskerfi Toyota.

Búnaður:

Staðalbúnaður í Highlander GX meðal annars:

18“ álfelgur, litaðar hliðarrúður, lykillaust aðgengi, verksmiðjuframleitt leðuráklæði, rafdrifið ökumannssæti, hiti í framsætum, upphitað stýri, Apple Carplay og Android Auto, bakkmyndavél, þráðlaus hleðsla fyrir GSM síma blindsvæðaskynjarar o.fl.

Staðalbúnaður í Highlander VX meðal annars:

20“ álfelgur, langbogar með krómáferð, rafdrifinn afturhleri, skiptiflipar í stýri, bílastæðaaðstoð, rafdrifin framsæti með minnisstillingu á ökumannssæti, fjarlægðarskynjarar og bakkmyndavél með leiðsögn o.fl.

Staðalbúnaður í Highlander Luxury meðal annars:

20“ álfelgur, rafdrifin framsæti með 2 minnisstillingum á ökumannssæti, 12,3“ skjár, JBL hljómkerfi, 11 hátalarar o.fl.