Glöggur lesandi Bílabloggs benti á, eftir að hafa lesið greinina um „Body Kit“ fyrir nýjan Land Cruiser 300, að til væri fantafínt „Body Kit“ fyrir Dacia Duster. Það stóð heima! Auðvitað eru skoðanir manna mismunandi og allt það en undirrituð er sammála því að til eru „kitt“ sem koma býsna vel út þegar Dacia Duster á í hlut!
Þýska fyrirtækið Prior Design hannaði „Body Kit“ fyrir Duster og slagorðið þeirra er algjör snilld:
„Þú þarft ekki að fara í ræktina til að verða stór.“
Nei, Dacia fór ekki í ræktina heldur í verulega fínan „búning“ sem gerir hann kraftalegan útlits, svo ekki sé meira sagt!
Billeg stakkaskipti
Hér má skoða fleiri myndir frá Prior Design. En það snjallasta við heildarmyndina er að verðmiðinn á „kittinu“ er ekki yfirgengilega stór og kannski bara í nokkuð góðu samræmi við verðið á bílnum sjálfum sem er á meðal ódýrari bíla í þessum stærðarflokki, hér á landi og víðar.
2.999 evrur kostar „widebody aerodynamic kit“ frá Prior Design en það mun samsvara tæpum 470.000 krónum, ef mér skjátlast ekki.
Þar sem maður er bara orðlaus er best að leyfa meðfylgjandi myndbandi að tala sínu máli:
Aðrar umfjallanir
DETROIT - sportjeppi sem byggður er á GMC Hummer mun keppa á torfærukeppnum rafbíla um allan heim á þessu ári sem hluti af nýjum margra ára...
Nýr Ford Bronco Sport þykir spennandi bíll og það bíða margir hérlendis eftir bílnum og heyra meira af kostum hans og göllum. Autoblog-vefurinn tók...
Aftur er ökubarn í fréttum. Í dag er það 7 ára gamall drengur sem fór á jepplingi fjölskyldunnar út í umferðina því hann ætlaði að kaupa sér ískrap. Það þurfti umferðareyju og marga bíla til að hægja ferðina á bílstjóranum unga.
Solla, eða Sally, úr teiknimyndinni Cars er tilbúin. Porsche 911 Sally Carrera Edition er alveg spes útgáfa sem verður boðin upp eftir viku. Nú kann einhver að segja að þetta sé nú frekar fyrir krakka en fullorðna. Það er einmitt málið og til þess er leikurinn gerður.