- VW segir verð nýrrar grunngerðar rafbíls byrja í 20.000 evrum
Volkswagen kynnti nýja grunngerð rafbíls á bílasýningunni í München. Framleiðandinn segir að ID Life hugmyndabíllinn í crossover-stíl gefi góða mynd af því sem vænta má en þessi litli rafbíll, byggður á MEB grunni VW Group, á að fara í sölu árið 2025.
Aðlögun MEB grunnsins var lykillinn að því að halda verði bílsins sem lægstu, sagði Ralf Brandstaetter, forstjóri VW, við kynninguna á ID Life. Mynd: Reuters.
Framleiðsluútgáfa bílsins mun nota aðlagaða útgáfu af MEB grunninum, með hjólhafið stytt í 2500 mm úr 2770 mm eins og er í dag á ID3-bílnum, sagði VW.
Styttri gerð á MEB grunninum myndi einnig bjóða upp á litlar rafmagnsgerðir fyrir bæði Skoda og Seat Cupra hágæða vörumerkið, sagði forstjóri VW og bætti við að fjölskylda „litlu bílanna” yrði „líklegast“ smíðuð á Spáni.
„Við ætlum líka að staðsetja rafhlöðuframleiðslu þar,“ sagði Brandstaetter.
Væntanlega nefndur ID1
Búist er við því að VW kalli bílinn ID1 og hlaðbaksútgáfan, sem áætlað er að komi síðla árs 2027, fengi þá nafnið ID2.
Sagt er að ID Life sé búinn 57 kílówattstunda rafhlöðu til að gefa bílnum um 400 km drægni.
Rafmótorinn hefur verið færður í framenda bílsins og er hann því fyrsta framhjóladrifna MEB gerðin.
Mikið af endurunnum efnum
Áhersla er lögð á endurnýtingu og endurvinnslu í framtíðarstefnu VW. Það efni sem notað er í innanrými ID Life er að stórum hluta endurunnið.
Loftklæðningin á færanlegu þakinu er til dæmis úr endurunnum plastflöskum og fest með rennilásum.
Sætisáklæðin eru gerð úr endurunnum plastflöskum og gömlum stuttermabolum sem fá þar nýtt hlutverk.
Samþættur skjávarpi gerir notendum mögulegt að varpa myndefni á framrúðu bílsins og til að njóta þess sem fyrir augu ber (að sjálfsögðu þarf bíllinn að vera „STOPP“ þegar horft er á kvikmyndir o.þ.h.) má fella framsætin saman, setjast í aftursætið og teygja úr skönkunum.
Hönnun stýrisins er nýstárleg og svipar til stýrisins í nýjustu uppfærslunni á Tesla Model S. Athyglisvert er að gírskiptingin er í stýrinu. Myndavélar koma í stað innri og ytri spegla, og farsíminn (eða spjaldtölvan) leysir hefðbundna sjáinn af hólmi.
(Byggt á Reuters - Automotive News Europe)
Aðrar umfjallanir
Sumir safna númeraplötum, aðrir frímerkjum, enn aðrir punktum „á ökuskírteinið“ og svo eru þeir til sem safna ökuskírteinum. Ökuskírteinum fræga fólksins. Þau hafa nefnilega nokkur ratað á uppboð en oftast er um að ræða skírteini látinna einstaklinga þó til séu dæmi um hið gagnstæða.
Japanir virðast margir hverjir reiðubúnir að greiða fúlgur fjár fyrir nýja Lödu Sport, en söluaðili nokkur í Japan selur bílinn ekki hverjum sem er! Þetta er nefnilega ekkert grín því rússneska tímavélin er lent.
Í gamla daga var þessi spurning vinsæl á bílasölum: „Veistu hvort það er eitthvað ryð í honum?” Þá voru flestir ef ekki allir bílar ryðvarðir...
Rivian Automotive, sprotafyrirtæki á sviði rafbíla með stuðningi Amazon og Ford Motor, á í viðræðum við bresk stjórnvöld um að byggja fyrstu...