Land Rover Defender V8 Bond Edition

Þessi sérútgáfa af Land Rover Defender V8 Bond Edition er markaðssett vegna nýju 007 kvikmyndarinnar „No Time To Die“.

Þessi sérútgáfa af Defender er framleidd til að fagna 25. kvikmyndinni um 007 og er fáanleg bæði í stuttu gerðinni 90 og stærri 110 gerðinni.

Það eru ýmis atriði sem aðgreina Bond útgáfuna frá venjulegum V8 Defender. Má þar til dæmis nefna einstakt „Defender 007“ merki að aftan, „007“ inngönguljós og upplýst „007“ gangbretti.

Til að aðgreina V8 Bond Edition enn frekar eru sérstök lógó á griphandfanginu og „One of 300“ („einn af þrjúhundruð“) merking til að gefa til kynna hvar bílinn er í 300 bíla framleiðslulotunni. Eins og hinn hefðbundni V8 Defender er þessi sömuleiðis með „Extended Black Pack“ með 22 tommu Gloss Black felgum og Xenon Blue bremsuklossum að framan. 11,4 tommu snertiskjárinn sem er valfrjáls á hefðbundna V8 er einnig innifalinn.

Með því að nota sömu 5,0 lítra V8 vélina með forþjöppu sem er í Defender V8, er útkoman 518 hestöfl og 625 Nm tog-sem leiðir til óbreytts 0-100 km/klst tíma 5,2 sekúndur og 240 km hámarkshraða á stutta 90 bílnum.

Eins og áður sagði er verðið frá 105.395 pundum (kr. 18.475.000) fyrir 90 Bond útgáfuna og 108.040 pund fyrir (kr. 18.938.330) fyrir 110 bílinn (þetta jafngilda 6.890 pundum meira en fyrir venjulega V8 Defender útgáfuna sem gerðirnar eru byggðar á).

(frétt á Auto Express)