Hleðslustöðvar Tesla fyrir alla?
Tesla opnaði nýlega eina af Supercharger stöðvum sínum í Hollandi fyrir aðrar rafbílagerðir en Tesla. Hingað til er ekki annað að sjá en það hafi gengið mjög vel.
Tesla opnaði einnig á hleðslu fyrir Teslur frá Þýskalandi og Belgíu á þessari einu stöð.
Þó svo að Tesla muni líklega halda áfram með þetta frumkvöðlaverkefni í Hollandi er Noregur næsta land sem Tesla vill opna á hleðslu fyrir aðrar gerðir rafbíla. Norski fréttamiðillinn Bilbransje24 birti upplýsingar sem fulltrúi Tesla ræddi við samgönguráðuneyti Noregs.
Þar sagði: „Við erum nú að rannsaka aðra markaði fyrir hugsanlega útvíkkun verkefnisins [opnun hleðslustöðva]. Við viljum því gjarnan koma á fundi með ykkur og upplýsa ykkur frekar um áætlanir okkar [...].
Gæti orðið í sumar
Ekki hefur komið fram hvenær Tesla ætli í breytingar á hleðslustöðvanetinu í Noregi en fyrri heimildir herma að það gæti orðið fyrir september 2022, án þess að þeir hjá Tesla staðfestu það. Hinsvegar staðfestu þeir að verið væri að skoða útvíkkun á notkun hleðslustöðvanetsins.
Grundvöllur styrkja
Hvatakerfið í Noregi stendur aðeins þeim opið sem byggja hleðslustöðvar sem eru opnar öllum gerðum ökutækja.
Hvatar til uppbyggingar hleðslunets eru þó enn meiri í Bandaríkjnum þar sem búið er að koma á fót 7,5 milljarða dollara sjóði til uppbyggingar á hleðslustöðvaneti.
Byggt á grein á insideevs.com
Aðrar umfjallanir
Fyrirtækið mun bjóða upp á rafbíla afbrigði af öllum núverandi gerðum, þar á meðal rafmagns Peugeot 408...
Það hlaut að koma að því: Að framtíð og fortíð hittust á miðri leið! Það gerðist í dag á Samgönguminjasafninu Ystafelli þegar DMC DeLorean kom á safnið ásamt fríðu föruneyti.
Það er rosalegt að segja og skrifa „versti bíll í heimi“ því það eru stór orð! Þeir eru nefnilega svo margir vondir. Hér er bráðskemmtileg fjögurra mínútna klippa um bíl sem sagður er verstur allra. Það er allt vont við hann að sögn þess sem um bílinn fjallar.
Það er til heill hellingur af fólki í heiminum sem passa þarf sérstaklega upp á. Ekki endilega vegna þess að það sé klaufalegra en annað fólk eða sjái verr. Nei, þetta er fólkið sem á sér í mörgum tilvikum fleiri óvildarmenn en gengur og gerist. Þá getur aldeilis komið sér vel að vera á góðum bíl og með góða „varðhunda“ ef svo má að orði komast.