Ford mun ekki selja nýja Maverick pallbílinn í Evrópu

Við sögðum nýlega frá því hér á vefnum að Nissan mun ekki koma með nýjan Navara til Evrópu vegna lítillar sölu á pallbílum á þeim markaði.

Bílaframleiðandinn frumsýndi Maverick á þriðjudag sem grunngerð pallbíla frá fyrirtækinu í Bandaríkjunum. Byrjunarverðið verður 21.490 dollarar þegar hann kemur í sýningarsali með haustinu.

Í Evrópu er Ford einn af fáum bílaframleiðendum sem enn bjóða pallbíla. Millistærðar Ranger frá Ford er sem stendur mest seldi pallbíllinn á svæðinu; með sölu upp á 44 prósent í 12.000 á fyrsta ársfjórðungi, að mati JATO Dynamics markaðsrannsakanda.

Eftir endurvakningu fyrir fjórum árum hríðfellur eftirspurn í Evrópu eftir pallbílum þar sem viðskiptavinir kaupa í auknum mæli sportjeppa og „crossover“-bíla.

Nýi Maverick verður fyrsti Ford sem kemur með tvinnvél sem staðalbúnað, sem búist er við að skili sparneytni sem verður um 5,8 lítrar á 100 km. Bíllinn getur dregið allt að 680 kg með tvinnvélinni, og hann getur dregið allt að 4.000 pund með EcoBoost bensínvélinni.

Maverick situr á sama „unibody“ framhjóladrifna / fjórhjóladrifna C2 grunninum sem liggur til grundvallar Bronco Sport, Escape og Lincoln Corsair.

Hugsaður út frá grunnþörfum viðskiptavina

Í Bandaríkjunum sagði Ford að bíllinn beinist að kaupendum fólksbíla sem og kaupendum sem annars gætu valið meðalstóran pallbíl eða „crossover“. Maverick verður ætlaður yngri kaupendum, að sögn markaðsaðila.

(Automotive News Europe)