• ‍Nýja sérútgáfan er smíðuð til að fagna 20 ára afmæli fjórðu kynslóðar Golf R32
• ‍Þessi útgáfa er 328 hestöfl og verður hægt að panta bílinn í takmarkaðan tíma

Volkswagen hefur svipt hulunni af nýju, sportlegra afbrigði af Golf R sem kallast „20 ára útgáfan“, sem er hönnuð til að minnast upphafs R vörumerkisins fyrir tveimur áratugum. Golf R32 með V6-vél kom á markað árið 2002 og var þá hraðskreiðasti Golf sem farið hafði í framleiðslu. Nú er það VW Golf R 20 með sín 328 hestöfl, sem tekur við sem sá öflugasti.

Vélbúnaðurinn er í grundvallaratriðum sá sami og í „R-Performance“ pakka Golf R, með 2,0 lítra fjögurra strokka vél með forþjöppu undir vélarhlífinni sem keyrir öll fjögur hjólin í gegnum sjö gíra gírkassa með tvöfaldri kúplingu. Hins vegar hefur Volkswagen kreist aukalega 13 hestöfl út úr mótornum, sem er með nýju Emotion Start kerfi sem hækkar snúninginn í 2.500 snúninga á mínútu við gangsetningu.

Golf R 20 er einnig búinn „R-Performance“ pakkanum (staðalbúnaður), sem inniheldur „torque vectoring“ mismunadrif að aftan og viðbótar „Special“ og „Drift“ akstursstillingar. Þakspoiler og sett af 19 tommu álfelgum eru einnig með „20“ merki á B-bitanum og „20 R“ pollaljós þegar bíllinn er opnaður.

Að innan er Golf R 20 með koltrefjamælaborði, ásamt bláu R-merki á stýri, sportsætum og lyklaborði. Volkswagen hefur ekki gefið upp verðið á sérútgáfunni en bíllinn verður fáanlegur fram á mitt ár 2023 eftir að hann fer í sölu á þessu ári.

(frétt á vef Auto Express)