Lítill 600 hestafla rafmagnspallbíll
- Canoo leggur áherslu á notagildi og hagkvæmni og má segja að þetta sé nokkuð vinaleg hönnun á bíl
Ansi flottur pallbíll
Þeim fjölgar enn rafmagnspallbílunum. Canoo er nýr framleiðandi á rafbílamarkaði og bætir nú við annars langan lista, einum pallbílnum enn, sem reyndar er nú ekki alveg tilbúinn í sölu.
Bílnum hefur ekki verið gefið nafn en Canoo nefnir hann einfaldlega pallbílinn.
Þó svo að þessi nýi pallbíll sé ekki nærri því eins áberandi öfgafullur eins og „Ceybertruck”, þýðir það ekki endilega að hann sé síður áhugaverður.
Flott ljós.
Örugglega hörkubíll í skíðaferðirnar.
Sexý hönnun
Einstök hönnun er það sem vekur áhugann. Þessi gaur er frambyggður og er ekki með þetta týpíska ferkantaða, boxlaga útlit. Hann svipar meira að segja aðeins til Dodge A100, alveg húddlaus með stórum palli.
Dodge A100 sendibíllinn.
Sjá má einkennandi ljósahönnun Canoo framleiðandans en það er eins og ljósin nái fyrir horn. Bíllinn er fjögurra dyra en aftari hurðarnar eru aðeins hálfar að stærð á við þær fremri.
Eins langt er á milli öxla eins og mögulega unnt er og brettakantar ná yfir vegleg hjólin.
Pallbíllinn gæti hæglega hentað íslenskum iðnaðarmönnum.
Góður í ferðalagið.
Notagildi og hagkvæmni
Pallurinn er alger snilld. Hann er frekar stór miðað við stærð bílsins eða um 1200x2500mm og búinn borðum sem hægt er að draga út til hliðanna. Á pallinum er stemningslýsing ásamt möguleika á að skipta pallinum í smærri einingar. Á pallinum eru síðan festingar fyrir farm t.d. hjól eða vélsleða – og hægt að stinga í samband við rafmagn.
Enstök hönnun.
Gæti snúið á báða vegu?
Ný hugsun
Að framan er stórsniðugt geymslurými en því fylgir borð sem hægt er að draga út. Canoo kom fyrir sex rafmagnsinnstungum ásamt fjórum USB tengjum víðsvegar um bílinn. Það er nú meira en hægt er að segja um meðal hótelherbergi. Að lokum hafa þeir komið fyrir rúmgóðu farangursrými fyrir aftan sætin í ökumannsrýminu.
Hugsaður með hagkvæmni í huga.
Hér má sjá vinnuborðin sem opnast út til hliðanna.
Fjölnota
Það er ekki annað hægt að segja en þessi hönnun sé hin hugvitsamlegasta. Canoo býður upp á pallhús eða skel sem lokar pallinum alveg en að auki er reiknað með að þú getir tjaldað á toppnum. Bíllinn á að hafa eitt lægsta fótspor (kolefna) á markaðnum en bíllinn er um 10cm styttri en nýjasta útgáfan af 3 línu BMW.
Snaggaralegt geymslurými þar sem brunavélarnar voru áður.
Enginn aumingi
Krafa er gerð um ákveðna drægni og hefur heyrst að hún verði allavega um 320km án þess þó að framleiðandinn hafi gefið það út. Canoo mun bjóða pallbílinn í tveimur megin útfærslum – með einum rafmótor eða með tveimur rafmótorum. Tveggja rafmótora útgáfan er áætluð um 600 hestöfl sem togar um 750 Nm.
Nýstárlegt ökumanns- og farþegarými.
Engar af meðfylgjandi myndum sýna útgáfu með aftursætum en Canoo heldur fram að hægt verði að panta bílinn með aukasætum og þá sé pláss fyrir ökumann og þrjá farþega.
Canoo álítur einnig að eftirspurn sé eftir tveggja sæta bílnum þar sem hann hefur talsvert farmrými sem sem eykur notagildið.
Nú, ef þú hefur áhuga segja Canoo menn að hægt verði að byrja að forpanta bílinn núna í apríl 2021. Fyrstu afhendingar fara fram 2023.
(Byggt á grein Autoblog)
Aðrar umfjallanir
Dekk sem leggja upp í ferðalag án bíls geta verið ferlega varasöm. Þessi maður hér í meðfylgjandi myndbandi hefur ábyggilega andstyggð á dekkjum sem fara á flakk eftir þessa sérstöku reynslu.
Naumhyggja eða „mínímalismi“ er mjög ofarlega á baugi þessa dagana og nýleg breyting á sumum merkjum eða lógóum bílaframleiðenda...
Hinn stórkostlegi Peugeot Inception hugmyndabíll undirstrikar framtíðarsýn franska vörumerkisins...
Það getur verið erfitt að koma miklu skeggi fyrir þegar maður fer í kappakstursgallann. En einn frægasti andlegi leiðtogi nútímans, Jagadish Vasudev, fékk annað hvort aðstoð æðri máttarvalda til þess eða er bara svona flinkur!