Forstjóri Volvo gerir ráð fyrir að hlutur sportjeppa þeirra vaxi í 75%
Volvo gerir ráð fyrir að sportjeppar verði enn hærra hlutfall af sölu bílaframleiðandans á heimsvísu eftir að fyrirtækið bætir við gerð fyrir neðan XC40.
Hann gaf ekki upp nánari tímaramma um það hvenær hlutur sportjeppa myndi ná 75 prósentum. Í 11 mánuði voru jeppar 71 prósent af sölu Volvo á heimsvísu en voru 63 prósent á sama tímabili í fyrra.
Söluhæsti bíll Volvo á heimsvísu eftir 11 mánuði var XC60 með alls 169.445 selda bíla.
Volvo staðfesti í október að það myndi smíða lítinn sportjeppa sem er að fullur rafknúinn og það mun vera mikilvægur liður í viðleitni fyrirtækisins til að ná helmingi af sölu sinni á heimsvísu með rafknúnum ökutækjum árið 2025 og hugsanlega verða aðeins rafmagns vörumerki árið 2030.
"Það er skýr þróun í átt að litlum úrvalssportjeppum. Þetta er mjög vel heppnaður hluti markaðarins, sagði Samuelsson.
Gerðin, sem Samuelsson sagði að myndi vera undir merkjum XC, mun nota sjálfbæran grunn (SEA) sem Volvo hjálpaði Zhejiang Geely Holding að þróa.
„Til að hafa raunverulega rétta kostnaðaruppbyggingu á því verðum við að deila grunninum“, sagði Samuelsson við ANE. "Við höfum möguleika á að vera með virkilega samkeppnishæfan bíl í þeirri stærð, líka þegar kemur að arðsemi."
Volvo hefur ekki sagt hvenær það mun hefja sölu á litla sportjeppanum.
Bílaframleiðandinn hefur gefið nánar upp hraðann á þessum frumsýningum, þó að Samuelsson hafi sagt í fyrra að rafknúna útgáfan af nýja XC90 flaggskipsjeppanum eigi að koma árið 2022.
Rafknúna gerðin sem Volvo ætlar að frumsýna á næsta ári mun deila grunni með XC40 Recharge.
Straumlínulöguð yfirbygging
Samuelsson sagði að rafknúinn bíll Volvo fyrir árið 2021 sem aðeins notar rafhlöður muni byggjast á sömu undirstöðu CMA og XC40 Recharge „en með straumlínulagaðri yfirbyggingu.“
Hann neitaði að veita frekari upplýsingar, þó að hann staðfesti að nýja gerðin yrði ekki arftaki V40 sem fyrirtækið hætti með nýlega, sem keppti í verðflokki fyrir neðan það sem Volvo vill vera.
„Til að Volvo skili arði þurfum við að einbeita okkur að hærra verði, fleiri markaðsflokkum úrvals bíla“, sagði hann. "Fyrir viðskiptavini sem vilja bíla með lægra verð munum við mæla með því að þeir kíki á Lynk & CO. Þeir munu setja bíla sína aðeins undir okkur hvað varðar verð".
Lynk & CO, sem er samstarfsverkefni Volvo og Geely Automotive, setti sína fyrstu gerð fyrir Evrópu, 01 litla sportjeppann, á markað í september. Vörumerkið hefur verið að selja ökutæki í Kína síðan 2017.
Aðspurður hvort Volvo íhugi einnig jeppa fyrir ofan XC90 sagði Samuelsson: „Ég myndi ekki útiloka aðeins stærri jeppa.“
Hann sagði þó að slík gerð þyrfti að taka nokkrum breytingum til að samræma hana rafvæðingu bíla frá Volvo.
"Ef við gerum það [bætum við stærri jeppa], verðum við að gera það á sjálfbæran hátt. Við verðum að sjá til þess að slíkt farartæki verði hagkvæmt til rafvæðingar. Ég held að það sem gerist í framtíðinni sé að jeppar þurfi að verða með minni loftmótsstöðu“.
(Automotive News Europe)
Aðrar umfjallanir
Á jóladag 1878 fæddist drengur í svissneska bænum La Chaux-de-Fonds í Jura-fjöllum sem átti að breyta heimi bílsins að eilífu...
Skuggamyndin af framenda á bíl, sem fylgir með þessari frétt, er fyrsta innsýn okkar í fyrsta sérsniðna rafknúna farartæki Lexus - bíl sem ætti að...
Ssangyong Motors, sem er í Suður-Kóreu, sendi frá sér skissur af væntanlegum jeppa sem kallast X200 og mun vera byggður á alveg nýrri hönnun...
Fyrir tæpum 93 árum, eða þann 3. júlí árið 1928, gerðist nokkuð ótrúlegt. Þ.e. á þess tíma mælikvarða: Maður nokkur ók bifreið frá Borgarnesi til Akureyrar...