ESB stefnir að því að hafa 30 milljónir rafbíla á vegum árið 2030
Samkvæmt frétt á Bloomberg-fréttaveitunni mun framkvæmdastjórn Evrópusambandsins leitast við að hafa að minnsta kosti 30 milljónir rafknúinna ökutækja á vegum svæðisins í lok áratugarins samkvæmt áætlun sem krefst þess að bílaiðnaðurinn flýti mjög fyrir umbreytingum.
Markmiðið fyrir núlllosandi bíla er að finna í drögum að stefnuskrá sem Bloomberg hefur undir höndum og áætlað er að birta í næstu viku.
Markmiðið er metnaðarfullt miðað við að um það bil 1,4 milljón ökutæki eru í akstri í Evrópu núna, samkvæmt BloombergNEF. Þar er því spáð að 28 milljón tengitvinnbílar og rafhlöðknúin ökutæki verði á vegunum árið 2028.
Þegar horft er lengra fram í tímann eru markmiðin að tvöfalda flutningaumferð með járnbrauum og þrefalda háhraðalestarumferð um miðja öldina. Búist er við að þessi áform leiði til lagafrumvarpa á næstu mánuðum.
Tillögurnar um flutningaiðnaðinn koma í kjölfar ráðagerða á milli aðildarríkja Evrópusambandsins vegna áætlunar um að herða markmið sambandsins varðandi það að draga úr losun árið 2030 í að minnsta kosti 55 prósent fyrir lok næsta áratugar frá því sem hún var um 1990.
Að hækka það markmið frá núverandi 40 prósentum er lykilatriði í „græna“ evrópska samningnum og krefst meiri fjármuna í orkuframleiðslu og innviði.
„Við verðum að gera alla flutningsmáta sjálfbæra“ til að uppfylla loftslagsmarkmið og gera evrópskum fyrirtækjum kleift að vera áfram leiðtogar iðnaðarins, segir í drögum að skjalinu og tekið fram að núll- og láglosunarvélar séu enn of lítill hluti ökutækjaflotans.
(Bloomberg og Automotive News Europe)
Aðrar umfjallanir
Jaguar Land Rover (JLR) hefur kynnt nýtt hljóðdeyfikerfi fyrir Jaguar F-Pace, XF og Range Rover Velar, sem fyrirtækið segir að geti minnkað magn óæskilegs...
Þessi Renault 15TL kúpubakur árgerð 1973 er í toppstandi og er til sölu um þessar mundir. Bíllinn er í upprunalegu formi og aðeins ekinn um 29 þús. kílómetra...
MÍLANÓ - Fiat hefur sett á markað nýtt afbrigði af Tipo-fjölskyldunni sem kallast Tipo Cross, hlaðbakur með sportjeppa og „crossover“...
Honda mun setja ZR-V lítinn jeppa á markað í Evrópu á næsta ári þar sem bílaframleiðandinn stækkar rafknúið úrval sitt á svæðinu.