Nýsköpunin fáguð
Toyota í Japan kynnti á heimasíðu sinni nýja útgáfu af vetnisbílnum Mirai með eftirfarandi orðum:
„Við kynnum til sögunnar nýjan 2021 Mirai. Byltingarkennd tækni þess er endurfædd með sléttri, háþróaðri hönnun. Glæsilegur viðvera án losunar og búist er við að þessi vetnisknúði rafbíll Mirai verði tiltækur í lok ársins 2020.
Markviss hönnun. Að innan sem utan.
Lægri, lengri og breiðari, ný hönnun Mirai, sem er með Coupé-útliti, er hið fullkomna jafnvægi sportlegs og glæsilegs útlits. Lægri staða bílsins - auðkennd með tiltækum 20 tommu álfelgum — hjálpar til við að skapa öflugri akstur. Að innan, fáanlegar satín-silfur eða koparlitaðar áherslur í innréttingu gera innréttingar Mirai jafn fágaðar og tækni bílsins.
Nútíma tækni mætir einstökum þægindum.
Flottur og einfaldur og allt samþætt áreynslulaust, hvert atriði af háþróaðri tækni inni í Mirai hjálpar til við að auka akstursupplifunina“.
Svo mörg voru þessi inngangsorð á vef Toyota, en formleg frumsýning á bílnum verður væntanlega fljótlega núna í desember.
En hvað er Mirai?
Þetta er annar bíllinn sem kallast Mirai en níundi bíll Toyota sem byggist á vetni. Toyota byrjaði að vinna að þeim árið 1992 og það var ekki fyrr en í fimmtu atrennu sem fyrirtækið kom fram með þann fyrsta.
Afturhjóladrifinn
Nýi Mirai er afturhjóladrifinn og á milli vélarhúss og afturhjóla eru þrír vetnisgeymar í staðinn fyrir hefðbundna drifrás: einn í miðjustokknum, einn undir aftursætunum og einn fyrir framan farangursrýmið. Samtals rúma þeir 5,6 kg af vetni.
Það er einnig til staðar 1,24kWh rafhlaða sem vegur 45kg, sem geymir endurnýjanlega orku við hemlun svo dæmi sé tekið, eða lætur 180 hestafla mótorinn fá aukaskammt af orku 640 kíef hann biður um meira en eldsneytissellurnar geta skilað.
640 kílómetra aksturssvið
Mirai vegur um 1950 kg, sem er nokkuð mikið, en reikna má með að hefðbundinn rafbíll af sömu stærð sem aðeins notar rafhlöður og með svipað aksturssvið myndi vega meira. Toyota reiknar með að WLTP prófanirnar á aksturssviði muni gefa um 640 kílómetra aksturssvið.
Allt í sjónlínu ökumanns
Þegar hendurnar eru á stýrinu þá er Mirai með þann möguleika að birta allar upplýsingar í sjónlínu ökumanns, hraða, stefnuljós, og annað sem skiptir máli.
Stór upplýsingaskjár
12,3 tommu skjárinn í Mirai bíður þess að ökumaðurinn aðlagi hann að sínum þörfum. Tengdu símann til að hringja, senda skilaboð og nota kortin í símanum með Android Auto.
Hituð og loftkæld sæti
Öll sætin í Mirai, jafnt fram- sem aftursæti, eru með hita, og einnig er hægt að fá loftflæði sem kælir ef þess þarf.
Áfylling – bara vatn!
Ólíkt hefðbundnum rafbílum sem þarf að hlaða í margar klukkustundir, þá tekur það aðeins örfáar mínútur að fylla á Mirai – og áfyllingin er bara vatn!
Háþróuð eldsneytistækni
Mirai býr til orku með því að sameina vetni og súrefni úr andrúmsloftinu – og eini „útblásturinn“ er vatn!
Mikið lagt upp úr minni loftmótsstöðu
Við hönnun á Mirai var mikið lagt upp úr minni loftmótsstöðu eins og þetta myndband sýnir.
(byggt á vef Toyota.com og frétt á Autocar – myndir Toyota)
Aðrar umfjallanir
Piltur nokkur gerði sér lítið fyrir og skrapp á fjölskyldubílnum í skólann. Systkini hans fengu far. Verst að guttinn er bara 10 ára gamall og þó að hann hafi ekki klesst á eitt eða neitt þá er fullorðna fólkið alveg brjálað núna.
Til að komast til Stehekin Washington þarf að notast við bát eða sjóflugvél. Öðruvísi kemst fólk ekki svo glatt á staðinn. Stað sem þykir með eindæmum fagur og er auglýstur sem „bíllaus“ enda liggur enginn vegur til staðarins.
Þá eru myndirnar sem margir hafa beðið eftir loks komnar – hvernig nýi Grenadier-jeppinn lítur út að innan!
Alveg síðan hann var pjakkur hefur hann verið með eindæmum áhugasamur um strætisvagna og rútur. Alveg gagntekinn! Wales-búinn Christian Cook framfleytir sér með því að koma fram sem dragdrottning á kvöldin en á daginn nýtur hann þess, loksins, að aka strætisvagni, skólabíl eða rútu.