75 ára afmælisútgáfa Ram 2500 Power Wagon
Ram Power Wagon hefur getið sér gott orð á þessari öld sem fullkominn pallbíll í torfærum. En nafnið á sér miklu lengri sögu en það. Fyrsti Power Wagon fór í sölu árið 1945 og var byggður á stórum herbílum sem Dodge smíðaði í síðari heimsstyrjöldinni. Þetta var fyrir 75 árum síðan, og þess vegna er komin 75 ára afmælisútgáfa af 2021 Ram 2500 Power Wagon.
Þessi sérútgáfa Power Wagon, sem kemur hér á sjónarsviðið er með nokkrar smávægilegar útlitsbreytingar og er hlaðin ýmsum eiginleikum. Að utan eru úrvals LED-framljós með svörtum umbúnaði sem staðalbúnaður, sem passa við svörtu merkin. Einstakt grillið fær útlit með svörum „byssugljáa“ og afturhurðirnar eru með svört 75 ára afmælismerki.
Felgur með 33 tommu dekkjum undirstrika hönnunina enn frekar.
Að innan er mest áberandi breytingin að búið er að bæta við brúnum leðursætum með 75 ára afmælismerki í sætisbakinu.
Mælaborð og hurðaklæðningar eru með svörtu plasti og burstuðu áli. 12 tommu upplýsingaskjárinn er búinn með nýjum torfærusíður fyrir 2021 sem sýna aksturshæð, halla og veltu og aukamæla. Upplýsingakerfið er einnig tengt við 750 watta, 17 hátalara hljóðkerfi.
Samkvæmt fréttum mun sérútgáfa Ram Power Wagon mun ná til söluumboða í Bandaríkjunum við lok ársins, en ekki talað um önnur lönd.
(Frétt á Autoblog)
Aðrar umfjallanir
Nýir Volvo vörubílar seljast eins og heitar lummur þessa dagana og það sem af er ári er Volvo með 31% hlutdeild af seldum vörubílum yfir 10 tonn...
Við getum keypt pylsur, kókómjólk og annað snarl í gegnum bílalúgu hér á landi, og jú, apótekin maður! Nokkur apótek bjóða upp á afgreiðslu gegnum bílalúgu og það er algjör snilld! En banki með bílalúgu? Nei, ekki á Íslandi. Ekki í dag alla vega.
Hann hefur ekki setið auðum höndum síðustu þrjátíu árin eða svo. Nei, síður en svo! Anil Chauhan hefur nefnilega þvert á móti látið hendur standa fram úr ermum og látið greipar sópa, ef svo má að orði komast. Samningamaður ríkisstjórnar og mesti bílaþjófur fjölmennasta lands í heimi!
Kia er að kynna fyrsta rafmagnsbílinn af næstu kynslóð, og er jafnframt að taka upp nýtt heiti á komandi seríu sem lætur lítinn vafa leika um ættir sínar...