Óþolinmóður Tesla aðdáandi í Bosníu smíðaði sína útgáfu af Cybertruck
Bosnískur eigandi að eftirlíkingu á Cybertruck er aðdáandi Ford og Tesla. Mynd: REUTERS.
MOSTAR, Bosníu - Aðdáandi Tesla í Bosníu gat ekki bara setið og beðið eftir að bílaframleiðandinn kæmi með sinn Cybertruck, sem er væntanlegur síðla árs 2021. Í staðinn kom hann með sína eigin útgáfu af þessu framúrstefnulega farartæki.
Það tók átta mánuði fyrir sérfræðinga og verkfræðinga hjá Stark Solutions hjá Igor Krezic að taka í sundur einn hrikalegan Ford Raptor F-150 í smæstu hluta og breyta honum síðan í bensínknúið ökutæki sem líkist Cybertruck.
Fyrsta ökuferðin um götur í suðurbæ Mostar vakti mikla athygli, sagði Mario Coric, framkvæmdastjóri fyrirtækisins, við Reuters.
Krezic neitaði að ræða við Reuters
Þó að bíllinn líti kannski ekki eins út og frumgerð Cybertruck, fangar pallbíllinn anda hans.
„Eigandinn vildi að við sameinuðum tvær andstæður - Ford og Cyber - vegna þess að hann er aðdáandi bæði Tesla og Ford, svo við sameinuðum þá báða í einn“, sagði Coric.
„Þessi notar bensín og Tesla notar rafmagn. Við reyndum að afrita eins mikið og mögulegt er en bíllinn okkar er ekki í sömu stærð og Cybertruck", sagði Coric.
Engar athugasemdir fengust frá Tesla eða Ford
Coric sagði að Stark Solutions væri nú að reyna að skrá pallbílinn til að geta keyrt hann á vegum en þeir væru að lenda í vandræðum vegna þess að skarpar brúnir á ökutækinu eins og þær sem sáust á Cybertruck eru bannaðar í Bosníu.
Tesla hyggst reisa 1,1 milljarða dollara Cybertruck verksmiðju nálægt Austin í Texas og binda þannig enda á mikla samkeppni við nágrannaríkið Oklahoma, tilkynnti Elon Musk forstjóri í júlí.
Pallurinn á eftirlíkingu af Cybertruck sem smíðuð var af fyrirtæki í Bosníu. Mynd: REUTERS.
(Automotive News Europe / Reuters)
Aðrar umfjallanir
Polestar er bifreiðamerki í sameiginlegri eigu Volvo Car Group og móðurfyrirtækis þess, Geely Auto Group í Hangzhou í Kína. Það er með höfuðstöðvar í Gautaborg...
Við þekkjum öll merki bílaframleiðenda. Við sjáum þau á hverjum degi á götunum og í innkeyrslunni okkar...
BMW hönnuðir hyggjast gera miklar breytingar á næstu kynslóð X2 crossover, með hallandi þaki og afturhlera að aftan...
PARÍS - Dacia, lággjaldavörumerki Renault Group, er að setja á markað nýjar útgáfur af söluhæstu minni bílunum sínum, að þvía ð fram kemur í frétt hjá Automotive News Europe í dag...