Ný gildra í bílaviðskiptum
Eins og flestir vita sem ætla sér að kaupa notaðan bíl þá er margt að varast og að mörgu að hyggja. En nú hefur löggjafinn bætt við enn einu atriðinu sem væntanlegur kaupandi að notuðum bíl þarf að varast. Við viljum vekja athygli á því.
Frá og væntanlega með 1. janúar 2020 þá eiga tryggingafélögin lögveð í ökutæki ef eigandi ökutækisins skuldar tryggingaiðgjöld. Það fylgir bílnum þ.e. fellur ekki niður við eigendaskipti.
12. grein laganna: „Lögboðið vátryggingariðgjald ökutækis ásamt vöxtum og kostnaði hvílir sem lögveð á ökutækinu og gengur fyrir öllum öðrum skuldbindingum sem á því hvíla í tvö ár frá gjalddaga nema gjöldum til ríkissjóðs. Á grundvelli slíks lögveðs má krefjast nauðungarsölu á ökutæki án undangengins dóms, sáttar eða fjárnáms. Lögveðið fellur ekki niður við eigendaskipti.”
Upplýsingar um ógreiddar tryggingar ökutækis er ekki alltaf auðvelt að finna. Þessi lög íþyngja neytendum en hygla tryggingafélögunum.
Hver samdi þessi lög og hverjir samþykktu þau? Fyrsta vísbending, lögin falla undir fjármála- og efnahagsráðuneytið. Endilega látið í ykkur heyra.
Fleiri greinar eftir sama höfund:
Annað efni tengt bílaviðskiptum (á léttari nótum):
Aðrar umfjallanir
Fyrsta alvöru bílasýning ársins í Evrópu opnar dyr sínar eftir nokkra daga í Munchen, þegar IAA...
Þjóðverjar hafa verið duglegir í bílaframleiðslu. Með sínar sléttu beinu hraðbrautir frá því um miðja síðustu öld hafa þeir smíðað bíla sem hannaðir eru til að límast við þessa vegi.
Gaurarnir hjá The Straight Pipes tóku nokkra góða spretti á völdum sporturum. Hvaða bílar finnst þér hljóma best?
Með forvitnilegri bílalestum veraldar er án efa sú sem fylgir forseta Bandaríkjanna. Í henni eru yfir 50 bílar og um 100 manns. Hlutverk strollunnar er eitt og það er að halda forsetanum á lífi. Hljómar eins og einföld starfslýsing, eða hvað?