Mitsubishi dregur saman seglin enn frekar í Evrópu
Mitsubishi mun stöðva áætlanir um að koma með nýjan bíl í stað Outlander í Evrópu.
Við höfuð áður fjallað um fyrirætlanir Mitsubisi að minnka umsvif sín í Evrópu en í dag segir í frétt á vef Automotive News Europe að fyrirtækið muni draga saman segl sín enn frekar í Evrópu.
Mitsubishi tilkynnti að það myndi „frysta kynningu nýrra vara“ í Evrópu á kynningu á mánudaginn.
Tekur gildi strax
Stefnan tekur gildi strax sem þýðir að Mitsubishi mun stöðva áform um að skipta út Outlander millistærðar sportjeppa sínum með nýrri gerð í Evrópu, sagði talsmaður fyrirtækisins við Automotive News Europe.
Í desember síðastliðnum sagði Mitsubishi við Automotive Nesw að skipt yrði um Outlander, flaggskip Mitsubishi á svæðinu, á seinni hluta þessa árs.
Mitsubishi sagði í kynningunni að nýr Outlander myndi koma til annarra heimsmarkaða á fjárhagsárinu 2021, sem hefst í apríl 2021, þar sem tengitvinnútgáfan muni birtast á reikningsárinu 2022. Það bendir til þess að skiptunum hafi verið seinkað, sem þýðir að núverandi gerð gæti haldið áfram í eitt ár.
Nýjasta gerð Mitsubishi í Evrópu er Eclipse Cross sportjeppinn sem fór í sölu árið 2017.
Mitsubishi hefur í hyggju að halda eftir sölu í Evrópu. „Þjónusta að lokinni sölu eru nauðsynleg viðskipti og það mun halda áfram,“ sagði talsmaðurinn.
Ætluðu að styrkja stöðu sína í Evrópu
Árið 2019 gaf Mitsubishi til kynna að þeir vildu styrkja starfsemi sína í Evrópu þegar það stofnaði nýtt fyrirtæki til að hafa umsjón með svæðisbundinni sölu eftir að hafa treyst á innflytjendur til margra ára.
Mitsubishi náði forystu í flokki tengitvinnbíla í Evrópu fljótlega eftir að Outlander PHEV var settur á markað árið 2014. Outlander hélt áfram að leiða í sínum flokki í apríl þrátt fyrir tilkomu tengitvinnbíla af hálfu evrópskra keppinauta.
Mitsubishi spáði á mánudag öðru rétta ári alþjóðlegu fjárhagslegu tapi vegna lakari sölu, að hluta vegna heimsfaraldursins.
Þetta væri stærsta tap Mitsubishi í að minnsta kosti 18 ár samkvæmt fjárhagsskýrslum fyrirtækisins aftur til ársins 2002.
Endurskipulagning fyrirtækisins er hluti af víðtækari endurskoðun á Renault-Nissan-Mitsubishi bandalaginu sem miðar að því að draga úr kostnaði.
Aðrar umfjallanir
Ný tækni er sögð bæta hagkvæmni en jafnframt er bætt við uppfærslu á útliti og innréttingum...
Mikill rafbílameistari í Bretlandi sem sérhæfir sig í að rafvæða fornbíla, er núna með óstjórnlega spennandi verkefni í vinnslu. Þetta verður svo mikil snilld að… Afsakið! Leyfum manninum að fletta ábreiðunni af því sem hann fullyrðir að muni taka 1000 hestafla Teslu Plaid í nefið.
Dómnefndarmenn í vali á heimsbíl ársins 2021 hafa þrengt lista yfir keppendur til lokaverðlauna í ár. Núna er aðeins um að velja 10 bíla í aðalflokknum...
Hann braut ekki rúður eða afritaði lykla þessi bílaþjófur. Nei, þessi var í vinnunni og ætlaði að „taka vinnuna með sér heim“ eða hluta af henni. Hann vann nefnilega á bílaleigunni Enterprise og hélt að enginn tæki eftir því þótt nokkur ökutæki hyrfu…