VW sagt vera að íhuga að kaupa bílaleigufyrirtækið Europcar
Volkswagen Group er í viðræðum um að eignast franska bílaleigufyrirtækið Europcar Mobility Group í samkomulagi sem myndi gera þýska bifreiðaframleiðandanum kleift að nýta betur flota sinn, að sögn þeirra sem þekkja málið.
Kaupin myndu eiga sér stað þar sem Europcar á í erfiðleikum með að takast á við efnahagslegt hrun vegna COVID-19 heimsfaraldursins, sem hefur vegið að ferðalögum um heiminn og dregið úr eftirspurn eftir bílaleigubílum.
Það myndi fela í sér viðsnúning fyrir Volkswagen sem seldi Europcar til fjárfestingarfyrirtækisins Eurazeo árið 2006.
Europcar, sem er með markaðsvirði 390 milljónir evra og nettóskuldir í lok mars, sem nema meira en 1 milljarði evra, hefur einnig vakið áhuga frá einkafyrirtækjum, þar á meðal Apollo Global Management.
Volkswagen, Apollo og Eurazeo, sem nú eiga nálægt 30 prósent af Europcar, neituðu að tjá sig.
Europcar vonast til að forðast örlög bandaríska jafningjans Hertz Global Holdings, sem lagði fram beiðni um vörn gagnvart gjaldþroti í maí.
Í síðasta mánuði sagðist Europcar hafa tryggt sér 307 milljónir evra fjármögnunarpakka til að komast í gegn um kreppuna vegna kórónavírus, sem innifelur 220 milljónir evra lán sem franska ríkið tryggði 90 prósent.
(Reuters / Bloomberg / Automotive News Europe)
Aðrar umfjallanir
Tesla ætlar ekki að hefja framleiðslu á pallbílnum fyrr en á næsta ári en samt sem áður er komin húsbílaútfærsla af kagganum sem heitir Cyberlandr...
Kínverski rafhlöðuframleiðandinn CATL er að þróa nýja gerð rafhlöðu. Tæknin, sem kallast M3P, ætti að koma með meiri orkuþéttleika og mun meiri drægni. Tesla er greinilega einn af fyrstu viðskiptavinunum.
Einhver reiðinnar býsn af plat-bílasímum seldust í Ameríkunni stóru á níunda áratug síðustu aldar, því það þótti virkilega flott að vera með bílasíma. „Þetta er ekki spurning um hvað þú átt, heldur hvað fólk heldur að þú eigir,“ sagði platbílasímasölukona.