V8 Land Rover Defender afhjúpaður á njósnamyndum
-Autocar sýnir myndir af frumgerð bílsins sem mun kosta meira en 100.000 pund, verður með 500 hestöfl 4x4 og settur til höfuðs Mercedes-AMG G63
Land Rover vinnur að V8 útgáfu af nýja Defender, breski bílavefurinn Autaocar sýnir okkur njósnamyndir af þessari frumgerð (sem við gátum ekki setið á okkur að sýna líka).
Nú sýna myndir hins vegar ódulbúinn Defender sem ekur á vegum fyrir utan rannsókna- og þróunaraðstöðu Land Rover í Gaydon, Warwickshire, með ‘Prototype Vehicle’ límmiða sem er fyrir bíla í prófunum.
Þó að engar breytingar séu sýnilegar að framan, þá sýnir útblásturskerfi að aftan fjórfaldan útblástur – sem notað er af Jaguar Land Rover aðeins í V8-gerðum.
Fimm lítra V8 bensínvél
Autocar hefur aflað skráningargagna fyrir bílinn á myndinni sem sýnir að hann er með 4999cc bensínvél, sem bendir til þess að hann sé knúinn af ‘AJ’ 5,0 lítra forþjöppu V8 sem notuð er í Range Rover Sport SVR og Range Rover Velar SVAutioiography.
Land Rover Defender V8 (teikning frá Autocar hér að ofan) mun fá stílbreytingar en ekki í sama mæli og SVR.
Fyrir komandi afkastamiklar gerðir, er JLR að nota 4,4 lítra V8 með tvöfaldri forþjöppu sem BMW framleiðir fyrir stærri M-bíla sína samkvæmt samningi milli fyrirtækjanna tveggja.
Sérlega sterkur grunnur Land Rover Defender V8 ætti ekki að vera í neinum vandræðum að bera 500 hestafla vélin.
Þetta bandalag hófst með það að markmiði að þróa rafmagnaðar drifrásir, en heimildarmenn hjá þýska framleiðandanum sögðu frá því á síðasta ári að það hafði verið framlengt til að láta JLR í té ýmsar hefðbundnar brunavélar.
Eina vísbendingin um öfluga vélina í þessum V8 Defender er fjórfalt pústið að aftan.
Það er líklegt að 5,0 lítra vélin sé fyrst og fremst notuð til að prófa kraftmikil viðbrögð Defender með aukinni þyngd og afli.
Væntanlega aðeins í litlu magni
Hins vegar er það skilningur Autocar að V8 Defender sé hugsaður sem lítið magn sérstaks afbrigði frekar en bíll í fjöldaframleiðslu. Land Rover gæti vel verið að geyma Ford-smíðaða V8 til notkunar í Defender, vegna þess að losunarmarkmið eru miklu minna forgangsatriði fyrir sérhæfða framleiðslu.
Defender Works V8 2018 seldist upp þrátt fyrir að kosta 150.000 pund – eða sem svarar 27,4 milljónir króna.
Athyglisvert er að heimildir segja okkur að SVO-deild JLR (sérsmíðadeild fyrirtækisins) sé ekki beint í tengslum við Defender V8 verkefnið; í staðinn sé þetta „hliðarspor“ fyrir núverandi tæknihönnun Defender.
Það er því líklegt að vélin muni ekki bjóða upp á eins mikið afl og aðrir bílar frá SVO-deildinni, svo sem 567 hestafla Range Rover Sport SVR. Reyndar reiknar Autocar með því að það sé stillt að nálægt eða undir 500 hestafla markinu.
Hvort heldur sem er, þarf að endurskoða undirvagninn til að tryggja að V8 Defender sé fær um að meðhöndla slíkt afl. Loftfjöðrun gæti verið sett sem staðalbúnaður og myndi bjóða upp á úrval akstursstillinga.
Öflugur grunnur til að vinna með
Álstyrkt yfirbygging Defender, er sögð sú stífasta sem Land Rover hefur nokkru sinni framleitt, er öflugur grunnur fyrir tæknimennin til að vinna með.
Ein ráðgáta er enn til staðar: hvort Land Rover mun bjóða upp á V8 í styttri bílnum Defender 90 auk 110 gerðarinnar sem sést hefur í prófunum.
Autocar segir að að viðskiptavinir á þessum markaðir búist við fimm hurðum, en þetta er takmarkað og sérstakt verkefni, svo einstök þriggja dyra útgáfa á V8 jeppa er möguleg.
Kemur væntanlega ekki á markað fyrr en seint á árinu 2021
Ekki búast við því að sjá þessa V8-gerð fyrr en seint á árinu 2021, því Land Rover mun forgangsraða hybrid-gerðum sem draga úr losun flotans á útblæstri og koma nýjum framleiðslubílum á götuna.
(byggt á vef Autocar)
Aðrar umfjallanir
Nýir Android Auto eiginleikar gefa skjánum í bílnum endurnýjaða notendahönnun...
Það eru ýmsar gerðir myndbanda sem teljast til sefandi eða róandi myndbanda. Undirrituð fann hið fullkomna „soothing“ myndband en það sýnir málningarferli Porsche! Vonandi finna fleiri hina stóísku sem ferlið kallar fram. Ef ekki þá er myndbandið í það minnsta flott!
Eins og flestir vita sem ætla sér að kaupa notaðan bíl þá er margt að varast og að mörgu að hyggja. En nú hefur löggjafinn bætt við enn einu atriðinu sem væntanlegur...
Nú er komið að því að þekkja bílinn á „svipnum“. Hvaða bíll er á myndinni?