Kínverski rafbílaframleiðandinn BYD mun hefja útrás í Evrópu í Noregi
-Tang EV600 rafknúinn sportjeppi mun fara í sölu í Noregi síðar á þessu ári, með fulla innreið á Evrópumarkað í kjölfarið
Rafbíllinn Tang EV600 sem er fyrirhugað að komi á markað í Evrópu síðar á þessu ári – spurningin er hvort hann nær hingað til lands.
Kínverski EV framleiðandi BYD hefur aukið áætlanir sínar um að komast inn á evrópskan bílamarkaðinn og mun setja Tang EV600 rafdrifna sportjeppann sinn í sölu í Noregi síðar á þessu ári.
Fyrirtækið, sem nú þegar selur rafmagnsrútur og langferðabíla í Evrópu, hefur valið Noreg sem fyrsta landið sem fær Tang á grundvelli þess að landið hefur góðar aðstæður fyrir hleðslu rafbíla og mikla eftirspurn eftir rafbílum.
Sídrif á öllum hjólum
Bíllinn er með rafmótor á hverjum öxli og sídrif á öllum hjólum og hefur samanlagt 483 hestöfl – 81 hö meira en Audi E-tron. Bíllinn er sagður komast frá 0-100 km/klst á 4.4 sekúndum og geta tekið við hraðhleðslu á jafn vel 30 mínútum - þó að það sé óljóst hvort þessi tilvitnaða tala er fyrir 80% eða 100% hleðslu.
Verðlagning hefur ekki enn verið staðfest en upphafsverð um 5,6 milljónir ISK í Kína þýðir að Tang mun líklega grafa verulega undan vestrænum keppinautum sínum þegar hann kemur til Evrópu.
Isbrand Ho, framkvæmdastjóri Evrópudeildar BYD, sagði: „Noregur er háþróaður markaður í Evrópu þegar kemur að víðtækri upptöku og notkun rafknúinna ökutækja, auk þess að búa yfir alhliða hleðsluneti. Við munum meta náið hvernig markaðurinn gengur en til lengri tíma litið er það markmið okkar að auka sölu fólksbíla utan Noregs.
„Við markaðsrannsóknir okkar erum við fullviss um að aksturssvið, hönnun, hagkvæmni og hátækni BYD Tang mun höfða til hygginna evrópskra kaupenda.“
Tang verður ekki fyrsti BYD-bíllinn sem er fáanlegur í Evrópu. Árið 2013 var floti a 50 BYD e6 rafmagnsbílum fluttir til Bretlands til notkunar hjá einkaleigufyrirtækjum. Þessi gerð var einnig valin af yfirvöldum í Brussel til að nota sem leigubíl í belgísku höfuðborginni.
Aðrar umfjallanir
Fyrirtækið sem rekur Pelaexpo-sýningarskálana í Genf vill setja upp bílasýningu árið 2021 þrátt fyrir að skipuleggjendur hafi hætt við viðburðinn...
Við höfum fjallað um nýja rafdrifna Ariya sportjeppann frá Nissan sem er væntanlegur á markað í Evrópu í lok næsta árs, og ráðgert hafði...
Með misjöfnum hætti skemmta menn sér en hér er grátbrosleg örfrétt úr Tímanum í ársbyrjun 1961. Segir þar frá manni sem skemmti sér ásamt félaga að nafni Bakkus.
Svona hrekkja milljarðamæringar aðra milljarðamæringa. Stundum tekst það en stundum ekki. Þetta er frekar fyndinn bílahrekkur sem tjah, misheppnaðist?