Sérútgáfa af Mazda MX-5 R-Sport í takmörkuðum fjölda
- Þessi sérstæði tveggja sæta sportbíll japanska fyrirtækisins verður grár að utan og með sérstæðar dökkar felgur
Mazda hefur opinberað nýja, takmarkaða sérútgáfu af MX-5 blæjubílnum, sem er sagður kosta sem svarar liðlega fimm milljónum króna á Englandi.
Aðeins 150 eintök af þessum Mazda MX-5 R-Sport verða smíðuð, búin 1,5 lítra vél.
Að innan er nýja útgáfan með „Burgundy“ nappa leðursætum með silfursaumum til að gefa „sérsniðna tilfinningu“.
R-Sport er byggt á MX-5 Sport 2020. 1,5 lítra fjögurra strokka bensínvélin gefur 130 hestöfl við 7000 snúninga á mínútu og kemur bílnum frá 0-100 km í 8,3 sekúndum og áfram í topphraða 200 km/klst. Vélin býr einnig til 151 Nm af togi við 4500 sn/mín..
Fyrr í þessum mánuði afhjúpaði Mazda sérstaka 100 ára afmælisútgáfu af MX-5 sem hluta af aldarafmæli sínu. Sá bíll er gerð að perluhvítu lakki að utan og dökkrauðu þaki.
Aðrar umfjallanir
Árið 2019 voru framleiddar 92 milljónir ökutækja. 25 milljónir þeirra voru atvinnubílar...
Sem fyrr er vikuskammtur af verkstæðisvitleysu alveg nóg fyrir meðalmanneskju og hér er aldeilis úrval af ótrúlegum uppákomum! Hundur og dúfa, of mikið loft, of lítið loft, ekkert utan um loftið og svo mætti áfram telja.
Það er kannski óvenjulegt að skrifa um keppni sem maður tók sjálfur þátt í. En það er í lagi þar sem undirrituð vann ekki rallið. Sem hefði nú verið gaman en það er önnur saga! Íslenskt akstursíþróttafólk er framúrskarandi og hér er það til umfjöllunar.
OSLO - Mustang Mach-E, rafmagnsbíll Ford, fór í efsta sæti í bílasölu Noregs í maí, fyrsta heila mánuðinn af skráningum á þessum markaði...