Bentley skannaði alla 630 hluta „blásarans“ frá 1929 til að endursmíða bílinn
Bentley skannaði alla 630 hluta „Blower Bentley“ frá árinu 1929 til að endursmíða bílinn. Myndir: Bentley.
Í september síðastliðnum tilkynnti Bentley að verksmiðjan myndi endursmíða 12 eintök af frægasta kappakstursbíl þeirra, 4 1/2 lítra „Blower Bentley“ frá 1929. Þessar áætlanir náðu þeim tímamótum í vikunni þegar verkfræðingar kláruðu í núverandi kreppu vegna Covid-19 að ganga frá CAD-teikningum af öllum hlutum í upprunalega „blásaranum“, en svo hefur þessi kappakstursbíll ávallt verið kallaður því nafni vegna gríðarstórrar forþjöppunnar sem var framan á vélinni og stendur í raun fram úr framendanum.
Þessi gamli bíll frá Bentley var tekinn í sundur vandlega og síðan búinn til aftur í stafræna heiminum með blöndu af nákvæmri leysiskönnun og flókinni handmælingu. Tölvuteikningin samanstendur af 630 íhlutum í yfir 70 samsetningum.
Tók 1200 vinnustundir að skanna allt saman
Frá upphafi til enda tók það 1200 vinnustundir fyrir tvo CAD-verkfræðinga að ljúka við að búa til gögnin úr skannagögnum og mælingum og niðurstaðan er sú að nákvæmt og fullkomið stafrænt líkan fyrir Bentley frá 1929 er nú til í fyrsta skipti.
Heil bíll endaði aðeins með því að verða 630 íhlutir! Gróft mat: Hversu marga hluti heldurðu að nútíma bíll hafi? Toyota segir „um 30.000“. En þessi nánast handfylli af íhlutum er allt sem þú þarft að hafa til að búa til kappakstursbílinn.
Verkfræðingar náðu að ljúka CAD verkinu að heiman á meðan þeir voru háðir fjarlægðarreglum og útgöngubanni
En þessir tólf bílar sem Bentley ætlar að smíða eru allir þegar fráteknir!
Framhald upphaflegra hluta
Á heimasíðu Bentley kemur fram að bíllinn verði beint framhald af „blásaranum“ og munu allir nýju bílarnir í „Continuation Series“ vera með fjögurra strokka, 16 ventla vélar með ál sveifarás með steypujárnsfóðruðum stokkum og heilu steypujárnsheddi. Forþjappan verður nákvæm eftirlíking af Amherst Villiers Mk IV forþjöppu og mun hjálp 4398 cc vélinni að búa til 240 hestöfl @ 4.200 snúninga á mínútu. Uppbygging bílsins verður á pressaðri stálgrind með hálf sporöskjulaga blaðfjöðrun með afritum af Bentley & Draper dempurum. Endurgerð á Bentley-Perrot 40 cm vélrænum skálahemlum og stýrismaskína upp á gamla mátann með snigli og sektorami sér u að halda stefnunni.
Það tekur sérsmíðadeild Bentley, Mulliner, um það bil tveggja ára vinnu að klára bílana 12. Verð mun enn liggja fyrir.
Náði aldrei að sigra í kappakstri
„Blásarinn“ er þjóðsagnakenndur kappakstursbíll, þrátt fyrir að hafa ekki unnið neina keppni sem hann tók þátt í!. Hann var gríðarstór og öflugur, með tilhneigingu til að undirstýra vegna forþjöppunar sem fest var á framendann en hann komst samt ótrúlega hratt.
Sir Tim Birkin.
Það er bíll breska ökuþórsins, Sir Tim Birkin, með skráningarnúmerið UU 5872, sem er notaður við endursmíðina.
Bíllinn keppti meðal annars á Le Mans 1930, en Bentley hætti þáttöku í kappakstri það ár og Rolls Roce keypti Bentley síðan árið eftir, þegar fyrirtækinu var lokað.
En þrátt fyrir að hafa ekki unnið neina keppni eru „Blásararnir“ samt þjóðsagnakenndir fyrir kraftinn sem þeir höfðu þegar þeir voru að keppa. Nú eru þeir dæmi um gullöld kappaksturs, en Bentley blásarinn er einhver fágætasti og eftirsóttasti kappakstursbíllinn í heiminum fyrir seinni heimstyrjöldina. Það verður gaman að fylgjast með því hvernig þeim hjá Bentley gengur að „endursmíða“ bílinn eftir þessum tölvuteikningum – og hvað hvert eintak kemur til með að kosta!
Aðrar umfjallanir
Mazda fagnar 15 árum hjá Brimborg með veglegum afmælistilboðum til 30. júní. Mazda bílar hafa notið mikilla vinsælda á Íslandi og eru þeir í sérflokki...
Orðrómur var uppi um að næsta kynslóð Volvo XC90 myndi heita „Embla“, og þá yrði í rauninni hætt við nafnakerfi bókstafa og númera sem Volvo hefur notað á bíla sína í áratugi. Nú lítur út fyrir að sænska fyrirtækið muni tvöfalda núverandi merki sín með fjölda nýrra rafbíla, og „númerakerfið“ haldi velli.
Audi var að kynna nýjan bíl í dag: Audi e-tron GT sem verður flaggskip vörumerkisins og eins og annar bíll innan samsteypunnar: Porsche Taycan, mun...
Sala á nýjustu gerð rafknúins ökutækis SAIC-GM-Wuling Automobile, ódýrri, fjögurra sæta Wuling fólksbifreið, fór yfir 15.000 eintök fyrstu...