Ford Bronco frá 1968, sem er í eigu fyrrum þáttastjórnandans Jay Leno býr yfir GT500 leyndarmáli!
Þetta er ekki venjulegur gamall Bronco - hann er með 5,2 lítra forþjöppu V8 undir vélarhlífinni.
Jay Leno, hinn þekkti þáttastjórnandi og bílaáhugamaður kom á SEMA sýninguna í ár [2019] með endursmíðaðan Ford Bronco 1968 með áhugaverða sögu. Fyrrum gestgjafi „The Late Show“, Craig Ferguson, gaf Leno gamla jeppann sem brandara vegna þess að bifreiðin var í svo slæmu ástandi. Eftir að hafa setið í fræga bílskúrnum hans Leno um árabil hefur hann tekið höndum saman með Ford Performance og SEMA Garage til að endurvekja hinn vanrækta bíl.
1968 Ford Bronco með GT500 vél
Hvar annars myndu Jay Leno og Ford frumsýna algerlega endursmíðaðan Bronco frá 1968 en einmitt á SEMA sýningunni? Það er flott útkoma sem sýnir fram á hvernig fjölmargir samstarfsaðilar unnu saman að því að vekja þessa táknmynd með nýjum hlutum í yfirbyggingu, nýjum undirvagni og glitrandi málningarvinnu.
Ójá, og það er 5,2 lítra forþjöppu V8-vél frá Shelby GT500 undir vélarhlífinni.
Leno hefur átt þennan Bronco í mörg ár eftir að Craig Ferguson, gaf honum jeppann. „Gjöfin“ sat þó óhreyfð og vanrækt í bílskúr Lenos, þar til fyrr á þessu ári [2019] þegar Ford og SEMA Garage komu með hugmynd og áætlun. Hugmyndin fólst meðal annars í því í að setja öflugustu verksmiðjusmíðuðu vél Ford í jeppann og tengja með fimm gíra handskiptingu.
GT800 V8 afl í Ford Bronco frá 1968
Auðvitað voru þetta ekki auðveld vélaskipti. Ford fékk Kincer Chassis til að búa til nýjan undirvagn og LGE-CTS Motorsports kortlagði nýja hluti í yfirbygginguna og setti lokaafurðina saman. Útkoman er 760 hestafla V8.
Nóg er af annarri nútímaverkfræði í bílnum. Bremsurnar koma frá Wilwood, það eru Fox demparar, nútíma millikassi eykur hreystina utan vega og fjöldi annarra hluta gera bílinn að stjörnu á SEMA-sýningunni. Innréttingin fær nútímalega yfirferð með nýjum mælum, leðuráklæði og Sony hljóðkerfi.
Að utan lítur bíllinn út eins og hver annar endurgerður Bronco sem málaður hefur verið í fallegum bláum lit með hvítum áherslum og á stálfelgum með harðgerðum BFGoodrich dekkjum. Þetta er alls ekki Bronco eins og blaðamaður Bílabloggs átti á sínum tíma!
Engin tilviljun
Ekki er sýningin á þessum endurgerða Bronco nein tilviljun, bíllinn var sýndur aðeins degi eftir að Ford veitti okkur fyrstu sýn á hinn endurfædda Bronco 2020 í torfæruformi. Ford er fús til að halda inngjöfinni og minna almenning á að þeir eru að koma með nýjan Bronco – og það að hjálpa til við að smíða einn endurgerðan með GT500-vél er vissulega ein leið til að gera það.
Meira um nýjan Bronco: 400 hestafla tóndæmi
Aðrar umfjallanir
Áfram halda mannlegu bílasögurnar og í þetta skiptið er sagan af manni nokkrum sem keypti bíl á uppboði hjá lögregunni og fann svo heilu dollarabúntin þegar hann skipti um rúðuupphalara í bílnum.
Brimborg kynnir nýjan Citroën ë-C4 100% rafbíl á einstaklega hagstæðu verði frá 4.090.000 kr. með 7 ára ábyrgð á bílnum og 8 ára ábyrgð á 50 kWh drifrafhlöðunni...
Listmálarinn góði, Jóhannes Kjarval, var einn þeirra sem kunni því vel að vera farþegi. Hann ferðaðist helst ekki öðruvísi milli staða en á tveimur jafnfljótum eða með leigubíl.
Polestar er bifreiðamerki í sameiginlegri eigu Volvo Car Group og móðurfyrirtækis þess, Geely Auto Group í Hangzhou í Kína. Það er með höfuðstöðvar í Gautaborg...