Alnýr Volkswagen Golf er þróun að utan, bylting að innan
GTI og Golf R útgáfur munu verða í boði
Hann er kominn! Ný, áttunda kynslóð Volkswagen Golf, og hann var heimsfrumsýndur í dag, fimmtudaginn 24. október á fæðingarstaðnum, verksmiðjunum í Wolfsburg.
Golf – áttunda kynslóðin komin – hreinar fallegar línur, ný hönnun framljósa og lítt áberandi grills setja sinn svip á framendann.
En að þessu sinni verður Golf nú að deila frægð sinni. Það er vegna þess að VW setti næstum samtímis af stað ID.3, rafbílinn sem er alls ekki svo frábrugðinn Golf, bíllinn sem fyrirtækið telur að muni taka afgerandi stökk í útbreiðslu rafmagnsbíla.
Að því að fram kom við frumsýninguna er stærðin svipuð, bíllinn aðeins teygður og sagður vera lægri – tölur vantar.
En ID.3 er seinkað: Frumsýndur á bílasýningunni í Frankfurt fyrri stuttu, en mun ekki koma til sölumanna fyrr en seinni hluta ársins 2020. Aftur á móti mun þessi nýi Golf af árgerð 2020 koma til evrópskra sölumanna í umtalsverðum fjölda fyrir lok árs 2019.
Mikil þróun en lítil breyting á stærð
Hvað varðar útlit er þessi nýi Golf með stílfært og þróað útlit. Reyndar hefur stærðin varla breyst: hún er sögð bara örlítið teygð og aðeins lægri en forverinn og stuðul loftmótsstöðu lækkar niður fyrir 0,28. Rúnnaður framendinn er undirstrikaður með mjóum framljósum og grilli sem er nokkuð framúrstefnulegt - og aðgreinir sig frá meira áberandi lausnum hjá mörgum samkeppnisaðilum.
Að aftan ber mest á breyttu útliti afturljósa og krómröndinni neðst sem umlykur útblástursrörin.
Engin tveggja hurða útgáfa
VW hefur lagt tveggja hurða Golf á hilluna og spurning um endurkomu blæjubílsins. Vefmiðlar búast við því að stationgerð muni koma og eins „Alltrack“-útgáfa fyrir Evrópumerkað. Reyndar segir fólk innan Volkswagen við Autoblog að GTI og Golf R hafi verið staðfestir.
Stafræni heimurinn alsráðandi í innanrýminu
Inni í nýjum Golf er það stafræni heimurinn sem ræður ríkjum og breytingarnar eru örugglega mun róttækari að innan en að utan. Hér eru engir klassískir mælar eða tæki. Jafnvel í grunngerðum eru stór TFT skjár fyrir framan ökumanninn með fullkomlega stafræna skjámynd. Það er „Innovision“ stjórnklefi í boði sem aukabúnaður sem býður upp á talsvert fleiri aðgerðir. Hvað varðar afþreyingar- og upplýsingakerfi er hægt að færa til stafrænar fleti á miðskjánum; einfaldir hnappar og snúningshnappar eru á bak og burt og stafrænar rennibrautir og raddstýring (sem er aukabúnaður) koma í staðinn. Stór sprettiskjár undirstrikar síðan þennan fallega stafræna heim.
Horft beint aftan á bílinn – ný hönnun á afturstuðara.
Fyrir okkur hér á Evrópumarkaði eru í boði margvísleg aðstoðarkerfi sem hafa eftirlit með ökumanni og grípa til úrbóta eins og þau telja nauðsynlegt. Wolfsburg miðar jafnvel að því að losa sig við lykilinn og skipta honum út fyrir snjallsímaforrit. Forritið „We Connect Plus“ gerir ökumanni kleift að fá aðgang að fjölmörgum aðgerðum með fjarstýringu. Þar að auki er Alexa tilbúin til að fullnægja forvitni ökumanns - og sinni eigin.
Framendinn státar af nýrri hönnun á lógói Volkswagen og mjórri línu sem tengir saman framljósin.
Ný sex gíra handskipting
Þeir sem skrifa um bílinn í dag telja það vera á mjög jákvæðum nótum að geta skipt um gír sjálfur. Volkswagen hefur þróað alveg nýja sexhraða handskiptingu sem dregur verulega úr eldsneytisnotkun. Þar til viðbótar eru sjö gíra sjálfskipting með tvískiptri kúplingu.
Fjölbreytt val á vélum
Í Evrópu er framboð á vélbúnaði fjölbreytt; Með dísel, bensíni, blendingum og náttúrugasafli, heldur Golf áfram á gullinni braut tæknilegrar fjölbreytni. Það eru 1,0 lítra þriggja strokka bensínvélar (TSI) með 90 og 110 hestöfl, svo og 1,5 lítra fjögurra strokka TSI vélar með 130 og 150 hestöflum, með möguleika á að gera strokka óvirka og valfrjáls 48 volta mild blendingsútgáfa. 1.6 TDI vélarnar eru horfnar, en það eru tvær mjög öflugar og ákaflega hreinar 2,0 lítra TDI vélar með 115 og 150 hestöfl. Í framtíðinni verður GTD með TDI sem gefur um 200 hestöfl, GTI með um 240 hestöfl og Golf R með um 330 hestöfl. Að auki verða tveir tengitvinnbílar með 204 eða 245 hestöfl og jafnvel TGI útgáfa sem keyrir á jarðgasi. Boðið verður upp á aldrif að auki.
Fimm tvinnbílar
Með nýja Golf hefur Volkswagen hafði sókn tengitvinnbíla. Strax í upphafi verður áttunda kynslóð Golf fáanlegur í hvorki meira né minna en fimm blendingsútgáfuu. Nýi Golf fagnar einnig 48V tækni: rafall tengdur reim, 48V litíumjónarafhlöður og nýjasta kynslóð skilvirkra TSI véla mynda nýjan mildan blending í eTSI.
Skemmtileg ný hönnun á framljósunum á Golf.
Áþreifanlegur hagur: eyðslan hefur verið skorin niður um allt að 10% (á grundvelli mælikvarða WLTP). Volkswagen mun bjóða Golf í þremur eTSI framleiðslustigum: 81 kW / 110 HÖ, 96 kW / 130 HÖ og 110 kW / 150 HÖ.
Afturljósin hafa fengið nýtt yfirbragð.
Áttunda kynslóðin verður einnig fáanleg með tvö afbrigði af tengitvinnbúnaði. Ný skilvirkniútgáfa skilar 150 kW / 204 HÖ á meðan mjög sportlegur GTE skilar 180 kW / 245 HÖ. Báðar Golfútgáfurnar með tengitvinnbúnaði munu koma í byrjun með nýrri 13 kWh litíumjónarafhlöðu um borð sem gerir kleift að ná lengra aksturssviði sem er um það bil 60 km og gerir Golf tímabundið að bifreið með núlllosun.
Vel heppnuð breyting
Stökkið í áttundu kynslóðina virðist vel heppnað og margir eiginleikar Golf, að minnsta kosti í Evrópu, gætu komið beint frá lúxusflokknum. Vefmiðlar velta því fyrir sér hvort Volkswagen hefur uppfyllt eða farið umfram þarfir viðskiptavina sinna.
Nýtt lógó VW og ný stafagerð í nafninu.
Þegar þetta er skrifað að kvöld frumsýningardags liggja ekki fyrir miklar tölulegar staðreyndir um þennan nýja Golf, en við munum birta þær fljótlega hér á vefnum.
Það er létt yfir innanrýminu í þessum nýja Golf – her er útgáfa með 6 gíra handskiptum gírkassa.
En Volkswagen sendi frá sér mikið af myndum af þessum nýja bíl í dag og látum þær tala sínu máli.
Stafrænir mælar og skjáir setja sinn svip á þennan nýja Golf.
Stafrænt mælaborð og upplýsingaskjár til hliðar.
Snertihnappar hafa tekið við – nema það er alvöru „hnappur“ fyrir háskaljósin.
Það er ekki mikil fyrirferð í stýringu á sjálfskiptingunni.
Til þæginda – og öryggis – er upplýsingum varpað upp í sjónlínu ökumannsins.
Stafræna tæknin hefur tekið völdin á mæalborðinu.
Miðjuskjárinn er meðal annars með leiðsögukerfi auk fjölmargra annarra valkosta.
Meðal þess sem þessi nýi Golf býður upp á er að stjórna bæði fjöðrun, gírskiptingu og loftkælingu með aðgerðum á skjá.
Hér er horft yfir umhverfi ökumanns í bíl með sjálfskiptingu.
Miðjustokkurinn í Golf með sjálfskiptingu er einfaldur, lítir skiptistöng og hnappar fyrir gangsetningu, stöðuhemil og „auto-hold“.
Þessi mynd af aftursætunum gefur til kynna að innanrýmið sé rúmgott og nægt pláss sé fyrir fætru í aftursæti, en nánari tölur liggja ekki fyrir.
Það myndast mikið pláss þegar aftursætið er lagt fram – Volkswagen gaf ekki upp neinar tölur við kynninguna í dag.
Með bak aftursætis í uppréttri stöðu. Það er hægt að leggja bakið fram 1/3 og eins er lúga í miðju fyrir langa hluti.
Aðrar umfjallanir
BL frumsýnir alveg nýjan BMW IX 100% rafmagnsbíl. Þetta er fyrsti stóri bíllinn frá BMW sem kemur 100% rafdrifinn. Það er óhætt að segja...
Undanfarna mánuði höfum við hjá Bílabloggi verið að fjalla um rafbílavæðinguna frá hinum ýmsu hliðum. Við höfum verið í góðu samstarfi við Heklu, bílaumboð varðandi...
Hvað er erfiðast við að vera bifvélavirki? Þetta er stór spurning sem einhver varpaði fram á veraldarvefnum. Svörin voru mörg og er kannski ágæt hugmynd að taka saman það helsta. Ef þú, lesandi góður, ert bifvélavirki þá er gott að vita að margt í starfinu virðist vera erfitt á heimsmælikvarða. Heimsmælikvarða bifvélavirkja.