Fyrsti bíll nýrrar BZ-kynslóðar rafmagnsbíla Toyota verður sportjeppi
Fyrsta rafknúna bifreið Toyota, byggð á e-TNGA grunni fyrirtækisins, verður sportjeppi sem er svipaður að stærð og RAV4, og er í nýrri kynslóð rafbíla sem nefnd hefir verið BZ.
Harrison gaf engar aðrar upplýsingar. Í yfirlýsingu á mánudag sagðist Toyota tilkynna nánari upplýsingar á næstu mánuðum.
Toyota gaf út teikniskissu af væntanlegum rafknúnum jeppa sínum.
Nýi sportjeppinn verður smíðaður í svokallaðri ZEV verksmiðju Toyota í Japan.
BZ stendur fyrir Beyond Zero
Ekkert heiti er enn til um nafnið á þessum sérsniðna rafbíl en Toyota hefur verið undanfarna mánuði að skrá vörumerki byggt á „BZ röð“ - allt frá BZ1 til BZ5. Það hefir komið fram á vef Auto Express að þetta er heiti á nýrri fjölskyldu af sjálfstæðum gerðum rafbíla og að BZ vísar til „Beyond Zero“, nafnið sem Toyota notar á bíla með núlllosun mengandi útblásturs.
Sportjeppinn verður einn af þeim 10 bifreiðum sem eru með núlllosun, sem bílaframleiðandinn ætlar að setja á markað í Evrópu árið 2025, að því er stjórnendur Evrópudeildar Toyota sögðu.
Sportjeppinn, þróaður með Subaru, verður fimmti af tíu gerðum. Toyota og Subaru tilkynntu um samstarf sitt á sviði rafbíla í fyrra.
Meðal annarra má nefna Proace City, litla rafknúna sendibifreið sem þróuð var af samstarfsaðila Toyota á sviði sendibíla, PSA Group. Afhending Proace City mun hefjast næsta haust, sagði Toyota í yfirlýsingu.
Proace City rafknúinn sendibíll Toyota verður boðinn með heilum hliðum fyrir notendur í atvinnuskyni og sem farþegabíll sem kallast Proace City Verso.
Toyota mun einnig hefja sölu á annarri kynslóð Mirai vetnisbílsins á næsta ári.
Toyota selur nú þegar tvær rafknúnar gerðir sem aðeins nota rafmagn, Lexus UX 300e sportjeppann og rafhlöðuknúna útgáfu af Proace meðalstóra sendibílnum sínum.
Ný rafhlöðutækni
Á netþinginu sagði Toyota einnig að árið 2025 myndi það hefja sölu á rafbíl með samrásarrafhlöðu (solid-state), nýrri tækni sem breytir efnafræðinni til að draga úr þyngd og styttir hleðslutíma.
„Við getum byrjað á einhverju sem er ekki endilega fyrir almenning en metnaðurinn er að stækka smám saman,“ sagði talsmaður Toyota.
Bílaframleiðandinn mun framleiða sex gerðir á e-TNGA („Toyota New Global Architecture“ fyrir rafbíla) fyrir Toyota vörumerkið og Lexus.
Einingakerfið við grunninn styður hönnun með afturdrifi-, framdrifi- og fjórhjóladrifi og mismunandi rafhlöðustærðir, sem eru frá 50 kílówattstundum til 100 kWst.
Toyota hefur farið sér hægt í því að senda frá sér rafknúnin ökutæki samanborið við stærsta keppinaut sinn að stærð á heimsvísu, Volkswagen Group, en stefnir að því að bæta upp þetta með því að nota bæði e-TNGA og vetnisbíla eins og Mirai.
Vinsældir Toyota „full-hybrid-bíla“ hjálpuðu Toyota við að auka markaðshlutdeild sína í Evrópu í 5,9 prósent á fyrstu níu mánuðunum en voru 5,1 prósent ári áður, samkvæmt upplýsingum frá iðnaðarsamtökunum ACEA.
Toyota seldi 1,09 milljónir bíla árið 2019 í Evrópulöndum.
(Automotive News Europe)
Aðrar umfjallanir
Vatnslásinn eða „hitastillirinn“ er einn af meginþáttum kælikerfis bílvélarinnar, sem stjórnar flæði kælivökva milli vatnskassans og vélarinnar.
Hyundai heldur áfram viðleitni sinni til að halda vetnisbílum á lofti í víðtækari umfjöllun um núlllosun ökutækja framtíðarinnar. Nýlega notaði...
Fyrir 114 árum birtist fyrsta Ford auglýsingin. Síðan þá hafa þær birst margar og alls ekki alltaf í hefðbundnu auglýsingaformi. Oft hefur verið um einhvers konar gjörning að ræða og má þar til dæmis nefna skemmtilegt uppátæki sem hafði með kveikt og slökkt ljós að gera.
Bandarískasprotafyrirtækið Hyperion mun afhjúpa vetnisknúna XP-1 ofursportbílinn sinn ínæsta mánuði og lofar afköstum...