Nýr Audi Q3 45 TFSI e tengitvinnbíll bætist við úrvalið
- Audi hefur hleypt af stokkunum nýrri PHEV útgáfu af Q3 sportjeppanum og er með sömu 1,4 lítra tengitvinn drifrás og Volkswagen Golf GTE
Audi komið fram með nýja gerð Q3 tengitvinnbíls. Hann er merktur 45 TFSI e og hann fer í sölu með vorinu á næsta ári sem bein keppinautur við Range Rover Evoque PHEV og Volvo XC40 Recharge T5.
Q3 er knúinn áfram af þrautreyndri tengitvinndrifrás Volkswagen Group, en hann er með túrbó 1,4 lítra fjögurra strokka bensínvél, 114 hestafla rafmótor og 13kWst litíumjónarafhlöðu. Saman skila þessir mótorar 242 hestöflum í heild sinni með hámarki 400Nm togi.
Aflrásin gefur Q3 hröðun frá 0–100 km á 7,3 sekúndum og hámarkshraða um 210 km/klst. Audi segir einnig að tengitvinngerðinm geti farið 50 kílómetra á rafmagni einu, á hámarkshraða 139 km/klst. Opinberar sparneytni- og losunartölur eru enn þá óstaðfestar.
Audi mun láta fylgja með 2 hleðslusnúrur fyrir allar seldar gerðir - og þegar hann er tengdur við veggkassahleðslutæki heima fyrir mun Q3 45 TFSI e endurheimta fulla hleðslu á þremur klukkustundum og 45 mínútum. Audi býður einnig aðgang að opinberu hleðsluneti sínu, sem veitir kaupendum RFID merki og mánaðarlegan reikning fyrir rafmagnið sem neytt er.
Það kemur ekki á óvart að „Black Edition-gerðin“ býður upp á svart útlit ágrillinu, þakbogum, gluggarömmum og hliðarspeglum. Að innan fá kaupendur einstakt flatbotnað stýri.
„Vorsprung-gerðin“ sem er toppgerðin byggir á þessari forskrift með 20 tommu álfelgum, Matrix LED aðalljósum, glerþaklúgu með panorama útsýni og aðlagandi dempara. Það eru nokkrar fleiri uppfærslur í innanrýminu, svo sem Bang & Olufsen hljómtæki, rafknúin sæti, þráðlaus hleðslutæki fyrir snjallsíma og stærri 12,3 tommu skjár fyrir framan bílstjórann.
(Auto Express – myndir frá Audi)
Aðrar umfjallanir
Maður að nafni Jerry Naumann kann því vel að sjá allt á hvolfi. Hann útbjó bíl, GMC Rally van frá árinu 1984, þannig að hann er á hvolfi og er hægt að aka þeim bíl - öðrum vegfarendum til furðu.
Á þessum degi árið 1964 var söngvari hljómsveitarinnar Rolling Stones, Mick Jagger, að flýta sér svo hrikalega að hann var tekinn fyrir of hraðan akstur. Þá kom í ljós að hann var á ótryggðum bíl og ekki með ökuskírteinið á sér. Skýring verjanda Jaggers fyrir rétti var áhugaverð.
Þar sem Íslendingar eru bæði bíla- og bókaþjóð er ekki úr vegi að fjalla aðeins um þær bílabækur sem gefnar hafa verið út á íslensku...