Yaris Cross; hærri, lengri og fjórhjóladrifinn

Toyota Yaris er kominn í sport-jepplings útgáfu. Hvernig virkar það á ykkur? Toyota Yaris hefur heldur betur notið vinsælda fyrir að vera framúrskarandi smábíll með gott notagildi og hagkvæmni á háu stigi.

Kraftmikil hönnun

Nýr Yaris Cross vekur nokkra athygli vegna kraftmikillar hönnunar. Hjólaskálar eru klæddar svörtu plasti sem rammar þennan þekkilega bíl svolítið inn og gefur honum sterkan svip. Svart grillið talar vel við lakkaða framhluta bílsins og sílsar eru einnig klæddir svörtu plasti.

Hlaðinn búnaði

Það sem vekur athygli við nýja Yaris Cross er að grunntýpur eru tæknilega vel búnar. Verðið á bílnum er frá 5.080.000 í dag (janúar 2021).  

Active Plus útgáfan er með 17 tommu felgum, 7 tommu skjá í mælaborði og er í boði með tvítóna litasamsetningu. Active Plus er einnig með öflugum LED aðalljósum.

Fjölbreytt úrval

Bíllinn sem við fengum til reynslu var í Elegant útfærslu. Þá er bíllinn kominn á 18 tommu felgur, er með upphitaðri framrúðu, bakkmyndavél, þráðlausri hleðslu fyrir síma, blindsvæðaskynjara, umferðarskynjara að aftan með sjálfvirkri hemlun, aðfellanlegum hliðarspeglum og baksýnisspegli með glýjuvörn svo fátt eitt sé nefnt.

Verð

Að auki býður Toyota á Íslandi bílinn í Adventure útgáfu með svipuðum búnaði og Elegant bíllinn.

Toyota Yaris Cross er búinn 360° myndavélakerfi sem samanstendur af fjórum myndavélum í bílnum og á að auðvelda lagningu í stæði. Þessi búnaður er mismunandi eftir útfærslum.

Fimm stjörnur

Toyota Yaris Cross er ákaflega vel hannaður með tilliti til öryggis.

Yaris Cross er að meðaltali með yfir 80% skor í prófununum.

Bíllinn skynjar hliðarumferð og tekur í taumana ef útlit er fyrir árekstur. Skynvæddur hraðastillir er í boði ásamt akreinastýringu og sjálfvirkri háuljósaskiptingu – sem er ansi þægilegur búnaður finnst mér.

Lipur og þægilegur

Aksturinn í þessum nýja sport-jepplingi er nokkuð áhugaverður. Hann er silkimjúkur.

Þess má geta að hægt er að fá bílinn beinskipan í ódýrari gerðum en fjórhjóladrifið er aukabúnaður. Sætin í Elegant bílnum eru fín.

Fann reyndar ekki fyrir neinum sérstökum bak- eða hliðarstuðningi en heilt yfir er Yaris Cross með góðum sætum.

Þröngt útstig að aftan

Aðgengi er þokkalegt, að framan er það mjög fínt en fullþröngt að aftan þar sem hurðir mættu opnast betur. Reyndar kemur plássið aftur í á óvart. Þar er hið þokkalegasta pláss. Fótapláss er reyndar ekki mikið en höfuðpláss nokkuð gott.

Einnig gæti bíllinn verið góður kostur sem annar bíll á stóru heimili eða fyrir eldra fólk sem vill ferðast og komast aðeins út fyrir þjóðveg nr. 1.

Nú er Apple CarPlay og Android Auto staðalbúnaður í afþreyingarkerfi Toyota Yaris. Þar virkar allt og er bara einfalt í notkun en skjárinn hefur ekki batnað í áranna rás, hvorki upplausn né snertinæmni.

Raunverulegir takkar

Loftræstingin er með raunverulegum tökkum. Sá búnaður er mjög aðgengilegur og þægilegur í notkun. Vinstra megin við stýrið neðarlega eru svo takkar sem stjórna hita í stýri, myndavél og afturrúðu hitara.

Helstu samkeppnisbílar Yaris Cross eru til dæmis Ford Puma, VW T-Cross og Skoda Kamiq en enginn þessara bíla er í boði í aldrifsútgáfu.

Allar upplýsingar

Ef þið eruð í bílahugleiðingum hvetjum við ykkur til að heimsækja Toyota á Íslandi (t.d. í Kauptúni) og fá að taka hring á nýjum Yaris Cross. Fáið líka bækling, því í honum eru upplýsingarnar með þeim nákvæmari og yfirgripsmestu sem ég hef séð um nýjan bíl undanfarin misseri.

Helstu tölur:

Verð frá : 5.080 þús. kr. (Verð á reynsluakstursbíl 6.380.000 kr.).

Hestöfl: 116 hö.

Vél: 1.500 rms., þrír strokkar.

Rafmótor: 59 kW

Tog: 120 Nm.

Eyðsla bl.ak.: 4.0 ltr/100km.

Eigin þyngd: 1.360 kg.

Dráttargeta: 750 kg.