41. Dakar rallýinu lokið
Fertugasta og fyrsta Dakar rallýið hefur farið fram undanfarna daga. Það hófst þann sjötta janúar og lauk í dag þann sautjánda. Rallýið var haldið í Perú að þessu sinni og var keppt á þrem mismunandi svæðum, um 5.000km, yfir 10 leiðir, sem voru 70% sandur eða um 3.000km. Keppt var í fimm flokkum faratækja og voru skráð í keppnina 75 mótorhjól, 15 fjórhjól, 76 bílar, 20 buggýbílar og 13 vörubílar.
“Prins eyðimerkurinnar” hann Nasser Al-Attiyah og Mathieu Baumel franski aðstoðabílstjóri hans lentu í fyrsta sæti á Toyotu bifreið sinni. Þetta er þriðji Dakar sigur Nasser og luku þeir keppni á 34 tímum, 38 mínútum og 14 sekúndum. Í öðru sæti, 46 mínútum lengur á leiðunum, varð Spánverjinn Nani Roma, sem ók með landa sínum Alex Haro Bravo, á MINI bifreið. Í þriðja sæti urðu Sebastian Loeb frá Frakklandi og aðstoðarökumaður hans Daniel Elena frá Monakó á Peugeot.
Aðrar umfjallanir
Rétt eins og sú staðreynd að sjaldgæft er að fólk í pollagalla sé töff þá er það nú svo að bílar í prófunum sem eru í felubúningi líta iðulega ögn kjánalega út. Búningurinn blekkir augað vissulega en með góðu ímyndunarafli má gera sér mynd af því sem innan hans er.
Leiki einhver vafi á því hvort gaman sé hjá þessum feðgum þá er eitt ráð og það er að spila meðfylgjandi myndband aftur! Svipbrigði þessa þriggja ára gutta eru á við gamanmynd í fullri lengd!
Frá snjómokstri til fílaburðar og allt þar á milli; hlutverkin sem Land Rover hefur gegnt eru sennilega óteljandi en eru þau öll við hæfi? Það er nú það! Ljóst er að bílinn má nota í ýmislegt – það fer ekki á milli mála. Hér er örlítið sýnishorn.
Smart's #1, fyrsti bíllinn frá nýrri stöðu vörumerkisins sem rafknúinn samrekstur milli Geely og Mercedes-Benz, mun eiga fáa keppinauta sem lítill úrvals...