Man einhver eftir Fordson?
Stundum þarf ekki mikið til að rifja upp gamlar minningar.
Á árunum frá 1950 voru þó nokkrir svona bílar í notkun í Hafnarfirði.
Vinahjón foreldra minna, og foreldrar eins bekkjarfélaga í skóla á þessum tíma, áttu svona bíl, fallegt eintak sem var fjölskyldubíllinn á heimilinu.
Framleiddur frá 1938 til 1957
Fordson E83W, (einnig seldur frá 1952 undir Thames vörumerkinu sem Thames E83W), var 10 cwt (hálft tonn) léttur atvinnubíll sem smíðaður var af Ford Bretlandi í Ford Dagenham samsetningarverksmiðjunni (heimili Fordson dráttarvéla) á árunum 1938 til 1957.
Í sumum löndum var „framendinn og undirvagninn“ aðeins fluttur inn og smíðað yfir hann á staðnum.
E83W-bíllinn var ætlaður litlum flutninga-, viðskipta- og kaupmannamarkaði þar sem hann seldist vel. Einnig var boðið upp á afbrigði hálfgerðs „stationbíls“ með gluggum á hliðum.
10 hestafla vél
E83W var knúinn af 1.172 cc Ford 10 hestafla hliðarventilvél, með 3ja gíra gírkassa, og var mikið niðurgíraður í afturöxlinum.
Þetta gerði Fordson mun meira hægfara en venjulega fólksbíla, með hámarkshraða sem er ekki meira en 65 km/klst.
Fyrir utan 10 hestafla vélina deilir E83W nokkrum hlutum með nokrum öðrum gerðum af minni bílum Ford á þessum tíma. Fram- og afturöxlar eru mun þyngri en í fólksbílum og öðrum svipuðum sendibílum og deila sumum hlutum eins og legum og öðrum íhlutum með Ford V8 (módel 62 og E71A).
Vinsælir á Íslandi eftir heimstyrjöldina
Í bókinni Saga bílsins á Íslandi 1904 – 2004 eftir Sigurð Hreiðar, segir svo um Fordson: „Að stríði loknu kom hingað mikið af Fordson sendibílum frá Bretlandi. Algengt var að setja á þá hliðarglugga og sæti aftur í.“
Þannig var þetta orðinn ágætis heimilisbíll.
Verslanir notuð þessa bíla sem sendibíla, þar á meðal Silli og Valdi, og hér má einmitt sjá mynd af einum af bílum þeirra.
Aðrar umfjallanir
Lykilgerð í þessum stærðarflokki mun verða frumsýnd í ársbyrjun 2022; ekkert vitað um fullan rafmagnsvalkost...
Myndir af annarri gerðinni í mikilvægri uppbyggingu VW hafa komið fram úr skjölum sem lögð voru fyrir kínversk stjórnvöld...
Nissan mun ekki skipta um Navara pallbíl sinn í Evrópu þegar fyrirtækið lokar verksmiðjunni í Barcelona þar sem gerðin er smíðuð síðar á þessu ári...
BMW mun byggja öll ökutæki sem seld eru af undir vörumerki bílaframleiðandans á nýjum grunni sem er fókuseraður á rafknúin ökutæki verður kynntur árið 2025...