Sagan að baki hins sérstæða Jaguar E-Type
Jaguar E-Type, eða Jaguar XK-E eins og bíllinn var kallaður fyrir Norður-Ameríkumarkað, er breskur sportbíll sem var framleiddur af Jaguar Cars Ltd á árunum 1961 til 1975. Samsetning hans af fegurð, mikilli afköstum og samkeppnishæfri verðlagningu bjó til bílinn sem varð hálfgerð táknmynd bílaheimsins.
Við ætlum í dag að fara hratt yfir sögu Jaguar E-Type.
E-Type var með 241 km/klst hámarkshraða, undir 7 sekúndur 0 til 60 mph (97 km / klst.).
Byggingarlag, diskabremsur, tannstangarstýri og sjálfstæð fjöðrun að framan og aftan var allt sérstætt fyrir þennan bíl og leiddi til breytinga í bílaiðnaðinum.
Engin undirvagn með stigagrind, eins og algengt var á þeim tíma, hennar var ekki þörf og sem slíkir vógu fyrstu bílarnir aðeins 1315 kg.
Frá verksmiðju Jaguar í Coventry á upphafsárum E-Type.
Bíllinn var frumsýndur 15. mars 1961 og vakti strax gífurlega athygli.
„Fallegasti bíl sem gerður hefur verið“
Við frumsýninguna 15. mars 1961 kallaði Enzo Ferrari hann „fallegasta bíl sem gerður hefur verið“. Árið 2004 setti tímaritið Sports Car International E-Type í fyrsta sæti á lista þeirra yfir helstu sportbíla á sjöunda áratugnum. Í mars 2008 skipaði Jaguar E-Type fyrsta sæti The Daily Telegraph netlista yfir „100 fallegustu bíla“ heims.
Utan beinna umfjallanna um bíla hefur Jagurar E verið í teiknimyndasögu Diabolik, Austin Powers kvikmyndum og sjónvarpsþáttunum Mad Men.
Fyrsta E-gerðin var kynnt árið 1961 og meira en tvöfaldaði hraða venjulegra fólksbíla á þessum tíma.
E-Type náði fljótt fótfestu meðal þeirra ríku og frægu.
E-Type var upphaflega smíðaður með 3,8 lítra sex stokka línuvél, en 4,2 lítra sex strokka kom í staðinn árið 1965. Allri samstæðunni, frambrettum og vélarhlíf var velt fram í einu lagi til að komast að vélinni.
Series 2 var kynnt árið 1968 og fékk lagfæringar á sem krafist var fyrir bandaríska markaðinni á E-gerðum um allan heim. Series 2 er einnig auðþekkjanleg - afturljósin hans færðust undir afturstuðarann
Bíllinn sem hafði mikil áhrif á sportbílaheiminn
Jaguar E-Type er almennt talinn einn mikilvægasti og fallegasti sportbíll allra tíma.
Samt er erfitt að átta sig á þeim áhrifum sem þessi breska vél hafði á heiminn árið 1961, þegar 110 km/klst var talinn góður hraði fyrir meðalfjölskyldubíl, svo ekki sé talað um 240 km/klst sem sagt var að Jaguar E gæti.
Við upphaf sitt á bílasýningunni í Genf í mars 1961 stal E-Type ekki aðeins sýningunni heldur öllum fyrirsögnum. Enzo Ferrari lýsti Jaguar sem fallegasta bíl í heimi og margir líta á upprunalegu Coupé og Roadster gerðirnar sem fullkomnar frá öllum hliðum.
Jaguar E1A frá 1957.
Hins vegar er það með minna þekktri E1A frumgerð frá 1957 þar sem saga E-Type hefst fyrir alvöru. Útlit og hönnun Malcolm Sayer á E1A var minni en lokaútgáfan E-Type og var með 2,4 lítra vél, en hún sýndi nýja sjálfstæðu fjöðrunartækið að aftan sem hélt áfram að vera aðalsmerki Jaguar módelanna í fjóra áratugi.
265 hestafla 3,8 lítra vél
Þegar E-Type var afhjúpaður árið 1961 var hann með 265 hestafla 3,8 lítra vél og fjögurra gíra beinskiptan kassa. Hámarkshraði var sagður 240 km/klst. Var sagt að þessi hraði væri svolítið bjartsýnn fyrir venjulegar framleiðsluútgáfur, en með listaverði 2097 pund fyrir Roadster og 2196 pund fyrir Coupé virtist öllum vera sama - það var helmingi lægra verð en margir sportbílframandi keppinautar þess .
Sá bíll var líklegast sérstaklega útbúinn fyrir þessar prófanir, en hann brást ekki; keppnisökumenn og frægir menn voru fljótir að streyma til að kaupa E-Type.
Góður árangur í upphafi í akstursíþróttum veitti Jaguar innblástur til að selja nokkrar útvaldar „léttari“ gerðir, með áli og sjálfberandi yfirbyggingu í stað venjulegrar stálgridnar. Þetta sannaði gildi sitt á réttri braut undir stjórn ökumanna eins og Jackie Stewart og Graham Hill og þessi sjaldgæfasta E-Type hvatti Jaguar til að smíða aftur sex svona léttbyggða bíla árið 2014.
Stærri 4,2 lítra vél 1964
Jaguar hélt áfram að þróa E-Type vegabílinn með því að setja stærri 4,2 lítra XK vélina í notkun árið 1964. Þó að hann hafi enn boðið 265 hestöfl kom 4,2 með meira togi.
Samhliða kom beinskiptur gírkassi sem núna var samhæfður í öllum gírum. Árið eftir bættist 2 + 2 módel við sviðið svo það var hægt að taka fjölskylduna með í ökuferðina.
Jaguar Series 1 ½ - 1967 – og núna með nýjum framljósum.
Árið 1967 setti Jaguar á markað uppfærða gerð sem varð þekkt sem Series 1 ½, sem var aðeins í framleiðslu í eitt ár frá 1967 til 1968. Hann kom með nýja framljósahönnun sem síðan birtist á Series 2. Bættir hemlar voru einnig meðal uppfærslnanna.
Jaguar Series 3 – 1971 – núna kominn með V12 vél. En framleiðslu lauk 1974.
Núna var kappakstur ekki lengur aðal áhugamál fyrir Jaguar og E-Type breyttist meira í það að verða meira sem GT bíl. Umbreytingunni lauk árið 1971 með S3 gerðinni með V12 vélinni.
Raunverulegur tilgangur Jaguar var að V12 yrði notaður í nýja XJ fólksbílnum, en tækifærið til að troða vélinni í E-Type var of gott til að missa af því. Fyrir vikið var E-Type enn á markaði fram til 1975 þegar XJ-S var skipt út fyrir hann.
Í dag er réttilega litið á E-Type sem klassískan bíl. Arfleifð hans heldur áfram í gerðum eins og F-Type, þannig að enn þá hefur E-Type áhrif á heiminn.
(byggt á greinum á Wikipedia, Autocar og Auto Express)
Aðrar umfjallanir
Peugeot 208 tekur fram úr Volkswagen Golf sem mest seldi bíll Evrópu...
Peugeot er að búa sig undir að koma þriðju kynslóðinni 308 hlaðbak á markað, sem hefur nú sést á njósnamyndum, en hann mun...
Febrúarmánuður er frægur hér á landi. Frægur fyrir veður sem er eflaust með því versta í heimi sé mið tekið af höfðatölu. Svo vont var veðrið í febrúar bæði 1981 og 1991 að bílar tókust á loft og Engihjallinn í Kópavogi varð frægur. Þá var nefnilega „fokið í flest skjól“ í orðsins fyllstu.