Volkswagen ID.4 hlýtur titilinn heimsbíll ársins
- Mercedes-Benz S-Class, Porsche 911 Turbo, Honda e og Land Rover Defender voru valdir í sínum flokki
Rafbíllinn Volkswagen ID.4 hefur verið krýndur heimsbíll ársins 2021. Verðlaunin eru veitt af nefnd 93 blaðamanna sem eru fulltrúar 28 mismunandi landa. Þessi rafbíll frá VW, ID.4, var talinn merkasti nýi bíll ársins og sló út 24 aðra tilnefnda. Hinir tveir í efstu sætunum meðal keppenda voru Toyota Yaris og Honda e.
Að auki heiðruðu WCOTY dómnefndarmenn endurhannaða Mercedes-Benz S-Class 2021 sem lúxusbíl ársins á heimsvísu. Verðlaunin fyrir „sportbíl“ ársins (World Performance Car of the Year) hlaut ný 992 kynslóð Porsche 911 Turbo. Heimsbíll ársins fyrir þéttbýli var Honda e, rafknúni smábíllinn. Og Land Rover Defender var viðurkenndur sem bílahönnun ársins á heimsvísu.
VW ID.4 – heimsbíll ársins 2021
Mercedes-Benz S-Class – lúxusbíll ársins á heimsvísu
Porsche 911 – sportbíll ársins á heimsvísu
Honda e - Heimsbíll ársins fyrir þéttbýli
Rover Defender - bílahönnun ársins á heimsvísu.
Þetta er 17. árið sem þessi verðlaun eru veitt. Meðal fyrri sigurvegara í vali á heimsbíl ársins eru Kia Telluride í fyrra, Jaguar I-Pace árið 2019 og Volvo XC60 árið 2018.
Samantekt á stigagjöf
Hér að neðan verður farið nánar yfir niðurstöðurnar úr valinu og stigagjöf hvers bíls.
Heimsbíll ársins 2021
Volkswagen ID.4-798 stig
Lúxusbíll ársins á heimsvísu
Mercedes-Benz S-Class-853 stig
Sportbíll ársins á heimsvísu
Porsche 911 Turbo-822 stig
Heimsbíll ársins fyrir þéttbýli
Honda e-754 stig
Bílahönnun ársins á heimsvísu.
Land Rover Defender-299 stig
Rafbíll ársins á heimsvísu bætist við á næsta ári
Helsti hápunktur verðlauna fyrir heimsbíl ársins 2022 verður kynningin á flokki fyrir rafbíl ársins á heimsvísu (World Electric Vehicle of the Year).
- Nýju verðlaunin „World Electric Vehicle of the Year“ bætast við á næsta ári
- Ferlið í val á „heimsbíl ársins 2022“ hefst 19. ágúst 2021 og verður kynnt á bílasýningunni í New York
Heimsbílaverðlaunin (WCA) eru ein virtustu viðurkenningar bifreiða sem viðurkenna og verðlauna ljómi bifreiða um allan heim. Heimsbílaverðlaunin og 94 alþjóðlegir dómnefndarmenn tilkynntu á dögunum að þeir komust í fremstu röð eftir fyrstu umferð kosninganna um heimsbílaverðlaunin í ár. Ennfremur er árið 2021 16. árið í World Car Awards samstarfinu við New York International Auto Show.
Mark Schienberg, forseti bílasýningarinnar, sagði: "Það hefur aldrei verið betri tími til að varpa ljósi á og fagna bestu rafknúnu ökutækjum heims. Við erum himinlifandi yfir því að vera enn og aftur hluti af World Car Awards í ár og erum spennt að bæta þessum nýju verðlaunum við.
Þar sem mikilvægi fólksbifreiða og vaxandi áhugi neytenda er, er þörfin fyrir áreiðanlegar heimildir sem neytendur geta leitað til, í fyrirrúmi, og eins og bílasýningin í New York eru helstu blaðamenn greinarinnar sem skipa dómnefnd í vali á heimsbíl ásrins traust úrræði fyrir kaupendur til að skoða og ákveða næsta nýja farartæki sitt“.
Aðrar umfjallanir
Við höfuð áður fjallað um fyrirætlanir Mitsubisi að minnka umsvif sín í Evrópu en í dag segir í frétt á vef Automotive News Europe að fyrirtækið muni draga saman...
Í kringum frumsýningu Star Wars myndarinnar árið 1977 gekk Toyota til liðs við 20th Century Fox með því að græja gasalega fína Toyota Celica GT í Star Wars útfærslu. Bíllinn var verðlaunagripur í happdrætti. Frá september til desember 1977 var happdrættið auglýst og átti að tilkynna um vinningshafa snemma árs 1978.
Það er loksins næstum komið að því segja bílavefsíðurnar! Fyrr í þessum mánuði tilkynnti Ford að það ætti að frumsýna...