Nýr Nissan Z sportari á leiðinni
Það er búið að vera mikið rætt um nýjan Nissan Z sportara í bílaheiminum sem kemur á markað 2022. Nú er komið að því. Í sumar verður framleiðslulíkanið tilbúið og meira að segja búið að negla frumsýningar daginn sem er 17. ágúst næstkomandi.
Alvöru „gamaldags“ sportari
Menn vita reyndar ótrúlega mikið um þennan nýja fák, þó enn sé margt á huldu. Hann verður til dæmis með beinskiptingu, tveggja forþjöppu V6 vél og afturdrifi.
Það er nokkurnveginn vitað hvernig hann lítur út – hann verður flottur enda er búið að leka myndum út af nánast fullbúnu framleiðslueintaki.
Fullt sem við vitum ekki enn
Hins vegar er fullt sem ekki er ennþá vitað. Engar hestaflatölur liggja fyrir. Mjög líklegt er að bíllinn verði búinn 3 lítra, tveggja túrbínu V6 vél úr Infiniti Q60 bílnum. Þannig gæti þessi bíll verið allt að 400 hestöfl. Ekki er vitað hverskonar breytingar hafa verið gerðar á undirvagni eða hversu þungur hann verður.
Við munum alveg örugglega fylgjast með komu þessa flotta bíls og segja ykkur frá ofangreindum atriðum.
Alltaf gaman að flottum sporturum og þessi er meira að segja með „gamaldags“ brunavél.
Hér má sjá helling af flottum myndum af gripnum
Byggt á greina Autoblog - myndir Nissan.
Aðrar umfjallanir
Það var Tesla Model 3 sem kom sá og sigraði í umfangsmikilli „vetrarprófun“ rafbíla í Noregi á dögunum...
Kjarni allra stórra „mistaka“ eins og þegar Ford hætti með Ford Edsel fyrir liðlega 60 árum, nánar tiltekið 19. nóvember 1959...
Þjóðverjar hafa verið duglegir í bílaframleiðslu. Með sínar sléttu beinu hraðbrautir frá því um miðja síðustu öld hafa þeir smíðað bíla sem hannaðir eru til að límast við þessa vegi.
GM er ekki til í keppinaut við Bronco með brunavél, en rafmagn er á borðinu...