Átta gata tryllitæki er alla jafna spennandi. En hvað segið þið um átta gata tryllitæki sem er bæði limmósína og blæjubíll?
Nú er nefnilega tæpur sólarhringur eftir af uppboðstímanum á Chrysler Town & Country Convertible glæsivagni sem virðist í toppstandi.
Bíllinn er í Saint Louis í Missouri en uppboðið sjálft fer fram á veraldarvefnum. Þegar þetta er skrifað er hæsta boð í bílinn voðalega margir dollarar, eða 76.000. Það eru um 10 milljónir króna og nokkuð langt frá lágmarksprís. Það eiga kannski eftir að bætast við einhver núll á næstu 22 klukkustundum en hér má fylgjast með uppboðinu.
Sagan segir að Clark Gable hafi átt tvo: Einn fyrir „Town“ og annan fyrir „Country“! Hvort það sé rétt skiptir ekki öllu en sagan er góð!
Þvílík og önnur eins drossía!
Þegar maður skoðar myndirnar á síðu uppboðsins er ekki laust við að hugrenningatengsl við skemmtiferðaskip, rjómatertur og hugmyndabíl skapist í kolli manns. Bíllinn er svo svakalegur fleki að í raun minnir hann á eitthvað allt annað en bíl. Ekki eldhúsinnréttingu þó, en viðarklæðning á bílum minnir mann oft á eitthvað slíkt.
Þetta timburverk er ekkert slor: Útskorinn mahóníviður rammaður inn í hvítan ask er eitthvað fínerí sem maður skellir ekki í gegnum bílaþvottastöðina!
Myndirnar sem skoða má hér og meðfylgjandi myndband segja meira en þúsund orð og gjörið svo vel: Chrysler Town & Country Convertible!
Aðrar umfjallanir
Sólarorkubíll sem þarf ekki að hlaða nema á nokkurra mánaða fresti? Lightyear 0 er sagður sá bíll sem kemst næst því að vera sjálfbær. Það er hugmyndin að baki hollenska sólarorkubílnum sem er sá fyrsti sinnar gerðar í heiminum sem seldur er á almennum markaði.
Lamborghini nýja torfærubílinn sinn – Huracan Sterrato - sérstaklega fyrir torfærur...
Ford var að senda frá sér eina kynningarmynd af næsta Ford Ranger og segir að nýr Ranger pallbíll þeirra muni fá nýja eiginleika...
Samkvæmt prófunum njóta rafbílar mjög góðs af varmadælum...