Margir Íslendingar hafa í áranna rás lagt í ferðir á Spánarstrendur, og „hvíta ströndin“ eða Costa Blanca hefur verið með þeim vinsælli. Heimsóknir Íslendinga á þessu svæði hafa dreifst marga staði allt frá Torrevieja í suðri og norður til Calpe, en meginstraumurinn hefur þó verið til Benidorm og nágrannabæjanna.
En margir þessara ferðalanga eru að leita sér að einhverju að gera, og stundum að einhverju sem er „öðru vísi“.
Á dögunum fréttum við af nýrri afþreyingu sem er sniðin að bílaáhugamönnum, einkum þeirra sem hafa áhuga á gömlum sportbílum og eðalbílum.
Fyrirtækið er rétt fyrir utan strandbæinn Moraira, sem er skammt fyrir norðan Calpe.
Í raun er fyrirtækið alveg nýtt, hefur aðeins starfað í nokkra mánuði, en það var einn landi okkar, Ingvar Gissurarson, sem býr í nágrannabænum Jaeva, sem er í 5 kílómetra fjarlægð frá CLUB 55, sem benti okkur á þennan afþreyingarmöguleika.
Sameiginleg ástríða kom fyrirtækinu af stað
„Ástríða okkar félaganna, David og mín fyrir bílum og akstursíþróttum leiddi okkur saman til að búa til Club 55 klassíska bíla“ sagði Gary þegar hann var að sýna okkur aðstæðurnar í fyrirtækinu þeirra.
Gary Crates.
Gary hefur unnið, ferðast og búið í mörgum löndum um allan heim. Undanfarin 3 ár, deildi hann tíma sínum á milli Genfar og Spánar, og tileinkaði sér meira af tíma sínum í klassískt bílaverkefni sitt, skipulagningu „Grand Tours“ um alla Evrópu. David hefur komið á svæðið næstum árlega síðan hann var 8 ára strákur.
Áhugamenn – og konur um klassíska bíla eru á öllum aldri og hér er Gary að sýna eldri hjónum rauða Mustanginn sinn.
Viðgerðarmaðurinn Pete
En gamlir bílar byggja á góðu og vönduðu viðhaldi. Gary sagði mér að þeir væru ofurheppnir að hafa innan sinna raða bifvélavirkja af gamla skólanum sem kynni sérstaklega gömlu bresku bílana eins handarbakið á sér.
Þessi félagi þeirra, Pete að nafni, fæddist í Oldham á Englandi og byrjaði sem vélvirki aðeins 16 ára að aldri.
Hann starfaði í verknámi hjá Ford Motor Company og stofnaði aðeins 21 árs aldur sitt eigið verkstæði, þar sem hann vann við viðhald á mörgum breskum bílum, sérstaklega Mins, Triumph & Jaguar / Daimlers. Hann kom víða við á liðnum árum, en hin sanna ástríða hans er klassískir bílar.
Ingvar Gissurarson tók undir þetta og sagði þetta vera með einum að þeim frábærari mönnum sem hann hafði kynnst í þessum bransa.
Klúbbhúsnæðið er stórt á annari hæð yfir fyrrum verslunarmiðstöð, en verkstæði og bílageymsla er bakatil á neðri hæðinni.
Tæknileg aðstoð og þjónusta
Gary sagði mér að með Pete í forsvari í þjónustunni með áratuga dýrmæta reynslu sem þeir bjóða félagsmönnum aðgang að „innri“ tækniþjónustu okkar og höldum bílnum „tilbúnum í aksturinn“.
- Fyrirbyggjandi viðhald
- Minniháttar viðgerðir og þjónusta
- 120 punkta full bílskoðun og skýrsla sem nær yfir 360 ° innan og utan, undir ökutæki, undir vélarhlífinni og valfrjálst aksturspróf
Þar sem klassískir bílaáhugamenn koma saman ..
„Með einstaka viðveru okkar hér á Costa Blanca bjóðum við meðlimum okkar möguleika á að njóta reynslu sígildra bíla í einkaklúbbsumhverfi, þar sem við erum með vikulegar uppákomur og fundi“, segir Gary.
Ökuferðir
„En einn aðalþátturinn í starfsemi okkar er að bjóða upp á ökuferðir í klassískum bílum“, segir Gary.
„Drivers Club 55“
„Þá geta áhugasamir komið í heimsókn í „Drivers Club 55“ einkaklúbb fyrir bílaáhugamenn og akstursíþróttamenn, þar sem gestir geta hitt og spjallað við áhugamenn með sömu áhugamál, við erum með stóran skjá fyrir mótorsportviðburði og skipulagt óformlegar ferðir og viðburði á staðnum“, sagði Gary Crates að lokum.
Margvíslegir bílar í boði
Klúbburinn skipuleggur „hitting“ á sunnudögum frá 10-13, og þá er hægt að líta við, skoða bílana sem þeir hafa í boði og eins bíla félagsmanna í klubbnum sem koma á sínum bílum og stilla þeim upp á útisvæðinu.
Þar mátti þennan sunnudaginn sjá margvíslega og flotta bíla, sem skoða má nánar á meðfylgjandi myndum:
Meðal bílanna á planinu þennan sunnudaginn var þessi flotti Bentley.
Sérlega fallegt eintak af þessum Benz-sportbíl vakti mikla athygli, enda mjög vel gerður upp og innréttingin í grænu leðri er falleg.
Bjallan stendur alltaf fyrir sínu- og ekki er vera með hana í þessari útgáfu í hitanum á Costa Blanca.
Þessi gerð af Jaguar MK2 er gullfallegt eintak og að utan nánast alveg upprunalega að sögn Ingvars Gissurarsonar sem kom að því að gera hann upp. Sætin voru bólstruð upp og það má vart sjá annað en að þau séu alveg upprunaleg. Þessi bíll er svipaðu og bíllinn sem Halldór Laxnes átti, en miklu betur búinn og flottara eintak.
Tveir Ford Mustang settu sinn svip á planið.
Og ekki vantaði Porsche í hópinn.
Bresku sportbílarnir settu sinn svip á hópinn þennan daginn, og þar á meðal Triumph í nokkrum útgáfum.
…þar á meðal þessi gullfallegi TR 250.
Myndir: Jóhannes Reykdal.
Aðrar umfjallanir
Morgunblaðinu 25. október 1949: „Í gærdag var byrjað að undirbúa uppsetningu hinna mjög svo langþráðu umferðarljósa. Byrjað var á að brjóta upp göturnar og gangstéttarhellum lyft á þeim gatnamótum sem ljósin eiga að koma upp við.“
Bentley tilkynnt að Mulliner Batur sé fáanlegur með allt að 210 grömmum af þrívíddarprentuðu gegnheilu gulli
BUGATTI, ítalski bílaframleiðandinn sem þekktur er í nútímanum fyrir þungavigtarbíla sína, er sagður vera á leiðinni undan regnhlíf Volkswagen Group (VWG) til að ganga...
Sókn Kia á markaði rafknúinna ökutækja sem eingöngu nota rafhlöður hefur verið aukin með staðfestingu sjö rafmagnsgerða...