Verksmiðjuinnkallanir bíla
Það hafa sennilega flestir heyrt af þeim og margir átt bíla sem þurfti að kalla inn vegna lagfæringar á einhverju atriði að beiðni framleiðanda bíls.
Hver á frumkvæði að því að kalla inn bíl?
Oftast er það framleiðandi bílsins, þegar upp kemst um vandamálið sem getur gerst alveg frá því bíllinn er enn í verksmiðjunni eða mörgum árum eftir að bíllinn var seldur. Bílaframleiðendur þráast sjaldan við ef viðkomandi yfirvöld óska eftir því að þeir kalli inn bíla enda liggja strangar refsingar við eins og sektir og jafnvel leyfissviptingar.
![image](https://img.bilaskra.is/images/1630932017_3560886423631885251_2137037229418557.jpg)
Hvernig fer innköllunin fram?
Bílaframleiðandinn sendir lista með verksmiðjunúmerum til seljenda bílanna sem hafa uppi á eigendum bílanna og láta þá vita hvað þarf að gera og hvenær er hægt að gera við bílinn.
Hvað getur farið úrskeiðis?
Upplýsingar seljanda bílsins eru úreltar eða skráningin hefur brugðist á einhvern hátt. Bíllinn gæti hafa gengið kaupum og sölum og eigandi er með nafnleynd í bílaskrá.
Bíllinn gæti verið afskráður ónýtur
Bíllinn er fluttur inn sem búslóðarbíll og framleiðandinn hefur ekki upplýsingar um eigandann.
![image](https://img.bilaskra.is/images/1630932018_2717817159271587336_2137038698227354.jpg)
Bíllinn var afskráður ónýtur í upprunalandinu en fluttur til Íslands og skráður hér.
Þá er ekki gott að segja hvort verksmiðjuinnköllunin nái yfir hann. Bíllinn er tæknilega séð ekki til lengur.
Lokaorð
Bíleigendur bregðast misjafnlega við þegar haft er samband við þá vegna verksmiðjuinnköllunar. Sumir verða glaðir yfir því að framleiðandinn skuli vera ábyrgur og vakandi yfir gæðum og kostum bílsins og vilji halda bílnum í eins góðu lagi og hægt er. Aðrir bregðast reiðir við og vilja skila „gölluðum“ bílnum og fá endurgreitt. Viðbrögðin geta oltið á bíltegund eða jafnvel hvernig gengur að greiða af bílaláninu.
Það er nánast öruggt að það næst aldrei að gera við alla bílana ef fjöldi bílanna í innkölluninni er mjög stór.
Vönduð verksmiðjuinnköllun er af hinu góða en sumir bílaframleiðendur hafa þó farið offari í þeim og skapað ný vandamál með „lausninni“.
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1664019607_5222957915524529137_17645512461563127.jpg)
![](https://img.bilaskra.is/images/1612442726_5479666418091366314_4148156422000.jpg)
Nánast allir bílaframleiðendur hafa komið fram með litla og netta bíla, sem allir byggja á sömu hugmynd: Lítill...
![](https://img.bilaskra.is/images/1616089492_6014697362378938121_1934908160346020.jpg)
Þá er hann loks formlega kominn fram á sjónarsviðið – nýr Nissan Qashqai sem margir hafa beðið eftir með óþreyju...
![](https://img.bilaskra.is/images/1612443608_3004781345092614570_5030613069000.jpg)
Sameiningartilboð Fiat Chrysler Automobiles (FCA) við Renault, sem lagt var af í júní, var ekki lengur á borðinu og útlit var fyrir að það verði endurvakið í bili