1958 Cadillac Eldorado Biarritz

Cadillac Eldorado er lúxusbíll sem GM framleiddi á árunum 1952 til 2002. Alls hafa tólf kynslóðir bílsins litið dagsins ljós.

Eldorado var ein toppgerða Cadillac línunnar. Upprunalega Eldorado blæjan árgerð 1953 og Eldorado Brougham gerðirnar áttu margt sameiginlegt og voru dýrustu Cadillac gerðirnar sem fengust á þessum árum.

Eldorado hélt síðan sérstöðu sinni sem tveggja dyra lúxusbíll frá árinu 1967 enda hefur bíllinn notið mikilla vinsælda í Bandaríkjunum í gegnum árin.

Bíllinn sem kom árið 1958 var með fjórum framljósum, tveimur hvorum megin. Framhluti bílsins var sá sami á öllum gerðum þessa árs. Árið 1958 var einmitt hálfrar aldar afmæli framleiðandans, og hélt GM upp á fimmtíu ára afmælið með útgáfu afmælismódela af öllum gerðum fyrirtækisins.

Dýrari gerðir allra þessara bíla deildu sömu íhlutum.

1958 var árið sem framhluti bílsins fékk smá uppfærslu. Nýir stuðarar, nýtt hudd og framstuðarinn var með „bullet bumpers“ sem voru tvö framstæð krómuð stykki sem líkja mátti við byssukúlur. Stuðarar lágu neðar og grillið fékk flotta bróderingu í krómið.

Cadillac framleiddi aðeins 1.320 stykki af Eldorado Biarritz árið 1959 og kemur því á óvart að talsvert er til af þeim bílum í dag. Þessi bíll sem við fjöllum um hér kostar 199.900 dollara sem útleggst á um 26.2 milljónir króna.

Sölulýsing

Afar vandfundinn Cadillac Eldorado Biarritz sem gerður hefur verið upp frá grunni