Hann safnar skiltum, bílum, auglýsingaspjöldum, standklukkum, veggklukkum; Hann á frumgerð Batmobile og heilan helling af öllu mögulegu! Allt þetta mögulega er í „bílahellinum“ hans neðanjarðar í London.
Messersmith. Nánar um hann í myndbandinu neðst í greininni. Skjáskot/YouTube
Þessi „hann“ á sér nafn: Gary Hillman. Þetta er vörpulegur og vel klæddur karl sem á ótrúlegt bílasafn sem er mjög svo furðulega samsett af leikfagabílum of raunverulegum bílum. Frumgerðum og endurgerðum.
Sérsmíðaðir bílar frá engum öðrum en George heitnum Barris eru í bílahellinum: Manninum sem smíðaði og hannaði meðal annars Batmobile og General Lee.
Sem dæmi má nefna að í hellinum hans er að finna heilan her af endurgerð smæstu bifreiðar sem framleidd hefur verið í heiminum, Peel 50 Bubble Car, bílnum sem framleiddur var á Isle of Man:
Lengd: 1,3
Breidd: 1,0 m
2,7 - 4,2 hestöfl
Nákvæm endursmíði upprunalega bílsins frá 1962
Peel 50 bubble car, eða „bubblu-bíllinn“ minnir óneitanlega á skósveinana (minions) úr teiknimyndunum, nema hvað þessir eru í röngum lit
Götuskráðan spíttbát á Hillman í safni sínu (sést á myndinni efst í greininni). Það er spíttbátur, byggður á þriggja hjóla hamfaraökutækinu síveltand; Reliant (nafnið vísar eflaust til þess að hægt sé að reiða sig á að apparatið velti í næstu beygju).
Aukinheldur er þarna að finna vatnabílinn Amphicar 770 sem undirrituð hefur mikið dálæti á eftir að hafa ekið einum slíkum og siglt.
Amphicar 770
Gary Hillman lumar líka á pool-borði sem er í rauninni líka bíll með HEMI-vél og þetta er einhvers staðar í hellinum, mitt á milli ET-afsteypu í raunstærð og klessubíla af bestu sort.
Pool-borð með HEMI-VÉL er ekki eitthvað sem maður kannast við að hafa mætt í umferðinni í miðbænum. Skjáskot/YouTube
Þegar maður heldur að ekki sé til fleira fínt dót í öllum heiminum, þá toppar Gary Hillman allt með því að segja að bestu gripina sína geymi hann einmitt efst uppi; í þakíbúðinni sinni.
Þar eru upprunalegir Peel 50 bílar og alls kyns sparidót; mitt á milli sundlaugar, sebrasófa, gamalla glymskratta og spilakassa.
Hér er myndband sem sýnir allt heila gillið og mun fleira en það:
Aðrar umfjallanir
Polestar 2 fær uppfæslur sem draga úr umhverfisáhrifum og auka gagnsæi, ásamt hönnunar- og búnaðaruppfærslum...
Eflaust hafa margir orðið spenntir þegar fréttist að hinn magnaði WRC rallýkappi, Sébastien Loeb, hafi verið við prófanir á Ford Puma M-sport Hybrid 2022 á Spáni og í Monte Carlo. Vona margir að hann ætli að keppa í WRC á næsta ári.
Automobili Pininfarina á Ítalíu mun frumsýna nýjan “súpersportbíl – rafdrifinn – sem fær nafn frá nafn stofnanda þess - Battista „Pinin“ Farina
Átt þú skondna sögu af fyrsta bílnum þínum? Ég er nefnilega að safna og væri mjög þakklát ef lesendur vildu deila þeim. En þangað til þurfa erlendar sögur að duga og að sjálfsögðu eru það sögur frá Fiat-fólki þar sem fyrsti bíll undirritaðrar var þessi líka fín…flo… já þessi líka Fiat Uno ´87.