Ford forsýnir sýnir GT-útgáfu af rafbílnum Mustang Mach-E
- Rafbíllinn Mustang Mach-E er meðal nýliða næsta árs og þegar kominn með langan biðlista. Nú hefur Ford forsýnt bílinn í öflugri GT útgáfu
Ford lofar að Mustang Mach-E GT komi á markað seint á næsta ári, svo fyrir ykkur sem haldið að 346 hestöfl í venjulegri útgáfu séu í minna lagi, er það kannski þess virði að bíða?
Nýja viðbótargerðin Mach-E GT er með allt að 465 hestöfl og togið er 830 Newton metrar ásamt fjórhjóladrifi. Þeir lofa hröðun til jafns við Tesla Model Y Performance - 3,7 sekúndur í hundrað - meðan hámarkshraðinn er 200 km / klst.
Bíllinn er búinn stærsta rafhlöðupakkanum (88 kWt nettó) og ætti að geta ekið næstum 800 kílómetra á hleðslunni. „Intelligent Ride“ eða „skynvæddur akstur“ ætti að geta gefið nákvæmara mat með því að taka tillit til vistaðrar aksturshegðunar, veðurs og upplýsinga um umferð á leiðinni.
Með 150 kW hraðhleðslustöð fyllir þú 100 kílómetra aksturssvið á tíu mínútum, samkvæmt Ford.
Meðal sérstaks búnaðar í GT gerðinni er „MagneRide“ aðlagaður undirvagn, 20 tommu sérstakar felgur, rauðar hemladælur og einstakir litar á lakki, svo sem Grabber Blue og Cyber Orange eins og myndir nar með greininni sýna.
15,5 tommu full HD snertiskjár styður næstu kynslóð Sync infortainment, sem samkvæmt Ford lærir á hegðun og óskum bílstjórans til að koma með snjallar tillögur. Ford Performance sæti og einstakt stýri með leðri eru einnig til staðar.
Til að gera tilboðið enn frekar fýsilegt býður Ford þeim sem panta Mach-E GT fimm ára ókeypis aðgang að FordPass hleðslustöðvum, þar af eru nú 155.000 í Evrópu, auk eins árs afsláttarhleðslu á 270 núverandi Ionity stöðvum.
(frétt á vef BilNorge)
Aðrar umfjallanir
Rafbíllinn Volkswagen ID.4 hefur verið krýndur heimsbíll ársins 2021. Verðlaunin eru veitt af nefnd 93 blaðamanna sem eru fulltrúar 28 mismunandi landa...
Fyrsti bíll Mazda sem notar nýjan afturdrifna grunninn þeirra og úrval tengiltvinnvéla og sex strokka línuvéla er CX-60 jepplingurinn...
Margt lítur nokkuð vel út í fjarska en eftir því sem maður kemur nær versnar allt. Þá koma hnökrar og misfellur í ljós. Þess vegna taka sumir af sér gleraugun t.d. á óskiljanlegum málverkasýningum. Hér er Tesla Cybertruck í nærmynd: