Stóra V-12 vél BMW að hætta í framleiðslu
BMW mun stöðva framleiðslu V-12 vélar sinnar í sumar – en þar með lýkur þriggja áratuga ferli.
Þýski bílaframleiðandinn BMW hefur verið þekktur fyrir að búa toppgerðir bíla sinna með öflugum V-12 vélum, sem bæði eru snarpar og hljóðlátar.
Sá sem þetta skrifar var eitt sinn staddur í Munchen á ráðstefnu dagblaðaútgefenda. Samtímis var Oktoberfest að klárast í bænum, kallinn sjálfur varð fimmtugur, og síðast en ekki síst var BMW að frumsýna nýja 7-línu.
Það hafði svo talast til milli mín og söluaðila BMW hér á Íslandi að mín myndi bíða „gott eintak“ af þessum BMW 7-bíl til reynsluaksturs þegar ég kæmi til Munchen, og það stóð heima: Þegar ég bankaði upp á í aðalstöðvum BMW daginn eftir fimmtugsafmælið þá beið mín þessi líka fína „sjöa“ – sjálfskipt með 5.4 lítra M73B54 V12-vél – 322 hestöfl.
Bílnum voru gerð ágæt skil á nokkrum dögum á þessu hausti 1994, en eftirminnilegust er ökuferð að kvöldi til suður frá Munchen til Rosenheim, tæplega 70 km leið eftir hraðbraut, og á þeirri leið var kafli sem hægt var að spretta úr spori.
Og það var svo sannarlega gert; bæði hraðamælir og snúningshraðamælir fóru á stærri og stærri tölu, og loks þegar var slegið af á þessu „flugtaksbruni“ var hraðinn kominn í 195 km/klst – en það fannst ekki meira fyrir honum en svo að maður væri á 90 km á Keflavíkurveginum!
En núna kveður V-12 vélin
Í aðgerð sem engum ætti að koma á óvart á upphafsöld raforku, er BMW að sleppa eyðslusamri V-12 vél sinni.
Þessi kraftmikla V-12 vél hefur verið á toppi vélaframboðs BMW, í áliti, sléttleika og fágun.
Síðasta V12 serían er byggð á M760i xDrive, hér að ofan.
En eftirspurn eftir bensínhákunum hefur dregist saman þar sem neytendur leita eftir kostnaðar- og orkusparandi vélbúnaði. Ríkisstjórnir frá Kanada til Kína hvetja bílaframleiðendur til að koma fram með grænni bílaflota með strangari reglum um losun.
Í þeim heimi eiga kostir V-12 við fágun og glæsileg afköst ekki lengur við, sagði Ed Kim, forseti AutoPacific.
„Þegar BMW og framleiðendur annarra gæðamerkja leggja áherslu á rafbílaframleiðslu þá gildir það líka um verkfræði- og fjármálahlið framleiðslunnar,“ sagði Kim. „V-12 vélin á sér bæði ríka sögu og arfleifð, en nýjustu aflrásirnar í bestu rafbílunum gera þetta allt að minjagrip úr fyrndinni.“
Hraður vöxtur rafbíla framundan
Búist er við að markaðshlutdeild rafbíla í Bandaríkjunum hækki úr um 2,5 prósentum í dag í 26 prósent árið 2030, samkvæmt spá Guidehouse Insights. Bílaframleiðendur hyggjast koma með meira en 60 nýjar rafhlöðurafknúnar gerðir til Norður-Ameríku fyrir árið 2025.
Bílarnir, byggðir á BMW M760i xDrive, eru knúnir af tveggja túrbó 6,6 lítra V-12 vél sem skilar 601 hestafli og 0 til 60 mílna hraða upp á 3,6 sekúndur.
Þeir verða með „V12“ merki, 20 tommu álfelgum með tvöföldum örmum, og annan búnað og tæki til að gera bílana áberandi.
(frétt á Automotive News Europe)
Aðrar umfjallanir
Hér er ekki fjallað um ömmu heldur er þetta um konu sem heitir Amma. Reyndar er hún amma, enda orðin 71 árs og ekkert undarlegt við það að Amma sé orðin amma. En Amma er mögnuð! Hún ekur risastórum vinnuvélum og er með réttindi til að stjórna 11 gerðum farartækja.
Að sjá þessar mögnuðu rallýkonur! Hér, í meðfylgjandi myndbandi, eru á ferðinni; já á mikilli ferð, þær Michèle Mouton og Fabrizia Pons. Hin franska Michèle Mouton er án efa magnaðasta kvenpersóna sem rallið getur státað af. Já, og sennilega akstursíþróttaheimurinn svona yfirleitt.
Ford-fyrirtækið gaf þá yfirlýsingu í dag að það yrði kolefnishlutlaust fyrir árið 2050, markmið sem kemur bílaframleiðandanum í takt við markmið...
Skoda kynnir tvo uppfærða sportjeppa á næsta ári: Að því er kemur fram á bílavef Autocar sást Kodiaq í frumgerð fyrr í vikunni og uppfærður Karoq...