Að sjá þessar mögnuðu rallýkonur! Hér eru á ferðinni; já á mikilli ferð, þær Michèle Mouton og Fabrizia Pons. Hin franska Michèle Mouton er án efa magnaðasta kvenpersóna sem rallið getur státað af. Já, og sennilega akstursíþróttaheimurinn svona yfirleitt.
Hún keppti í ralli frá 1974 til 1986 og í meðfylgjandi myndbandi keppti hún, eins og sjá má, fyrir Audi. Audi S1 Quattro var bíllinn og aðstoðarökumaðurinn hin ítalska Pons sem áður var nefnd.
Það er vonlaust að fjalla á einhverju hundavaði um hinn stórkostlega feril Michèle Mouton, að Pons ólastaðri sem og öðrum aðstoðarökumönnum Mouton, en það er vel við hæfi að birta hér þetta ágæta og stutta myndband í dag. Af hverju?
Það þarf auðvitað aldrei neitt sérstakt tilefni til að fjalla um magnað fólk í heimi akstursíþróttanna, en hins vegar er það nú svo að Michèle Mouton hefur verið undirritaðri ofarlega í huga síðustu dagana:
Í fyrradag, á föstudagi, þegar Jean Todt lét af störfum sem forseti Alþjóðaakstursíþróttasambandsins (FIA) eftir tólf ára starf, lét Michèle Mouton einnig af störfum en hún hefur síðastliðin tólf ár gegnt hlutverki forseta FIA Women in Motorsport, þ.e. ráðs eða nefndar kvenna í akstursíþróttum.
Aðrar umfjallanir
Citroën 2CV er merkilegur bíll sem var kynntur fyrst opinberlega á bílasýningunni í París, eða Paris Mondial de l'Automobile 1948 og framleiddur af Citroën á árunum 1948–1990...
„The snow must go on,“ segja þeir í Austurríki sem svellkaldir halda árlega GP Ice Race og hafa gert í rúm 40 ár. Viðburðurinn hefur laðað að um 10.000 gesti en í fyrra og í ár voru engir áhorfendur á staðnum. Þetta var bara á netinu. Fúlt en ekki eins kalt samt…
Það átti að kynna nýjan rafmagns Twingo frá Renault á bílasýningunni í Genf. Það gerðist ekki. Nú er hann á leiðinni aftur, fyrst í sérstöku...
Mercedes-Benz hefur sterka trú á framtíð fjölnotabíla (MPV) og bíla sem eru byggðir svipaðir og sendibílar, en hannaðir fyrir farþega og þess vegna hafa þeir stöðugt...