Gleymdir en ekki grafnir
Við höfum fjallað áður um bílana sem féllu í gleymsku austur á Héraði. Í dag voru nokkrir “gullmolar” boðnir til sölu á Fésbókinni. Í þessu holli erum við að tala um eitt stykki Trabant sem muna má fífil sinn fegurri, tvo ameríska pallbíla og nokkra aðra sem eflaust væri gaman að gera upp.
Reyndar hefðum við hjá Bílabloggi mest gaman að því að heyra um sögu þessara bíla ef einhver þekkir hana. Við bjóðum þeim aðila einkaviðtal.
Bílarnir eru auglýstir á Fésbókarsíðunni Fornbílar og tæki til sölu. Þarna má sjá nokkra gerðarlega bíla eins og Bedford flutningabíl sem síðast fékk skoðun árið 1986 en bíllinn var áður í eigu Kaupfélags Árnesinga.
Einnig má sjá þarna Ford D. 800 árgerð 1966 en fyrsti eigandi þess bíls var Gunnlaugur Sigurðsson vörubílstjóri á Egilsstöðum. Síðan var bíllinn í eigu Verslunarfélags Austurlands.
Auðvitað er lykilatriði að gera svona kagga upp. Vonandi finnast einhverjir handlagnir sem eru tilbúnir að takast á við það mikla verk. Og vonandi semst mönnum um verðið. Ætla má að virði gripanna verði meira eftir því sem lengra líður á endurgerð bílanna en fyrir hana.
Aðrar umfjallanir
Að sögn bílaframleiðandans Ford er pallbíllinn þeirra, Ford Ranger 2019 nú sparneytnasti pallbíllinn með bensínvél í millistærðarflokki.
Cyan Racing er nafnið á keppnisliði Volvo. Þeir settu saman eitt stykki ofurbíl en það er Volvo P1800 Resto Mod bíll sem gerir bara meira en að líta vel út...
Það eru alltaf miklar fréttir a bílamarkaðinum í Bandaríkjunum þegar breytingar eiga sér stað á þeim hluta markaðarins sem lýtur að pallbílum.
Sportjeppar vinna stöðugt á í sölu og þess vegna er Hyundai að styrkja framboðið sitt með nýjum Bayon, litlum „crossover“...