Stórsýning í Öskju á laugardag
- Nýir EQB frá Mercedes-EQ og Kia Sportage frumsýndir
Tveir nýir og spennandi bílar verða frumsýndir hjá Bílaumboðinu Öskju á morgun, laugardag frá klukkan 12 til 16. Um er að ræða nýjan EQB frá Mercedes-EQ og nýja kynslóð Kia Sportage.
Þetta er fimmta kynslóð Kia Sportage sem hefur verið gríðarlega vinsæll hér á landi og á traustan og góðan aðdáendahóp.
Bíllinn breytist mikið í útliti og hönnun miðað við forverann. Stórt og kraftmikið grillið að framan og fallega hönnuð LED ljósin gefa fögur fyrirheit um fágun og framsækni.
Framendinn tengist vel við sportlegan hliðarsvip bílsins. Kraftalegur afturhluti og rennileg afturljós fullkomna svo fallegar formlínur og glæsileika bílsins.
Innanrýmið er nútímalegt þar sem tveir 12,3 tommu snertiskjáir gefa upplýsingar um allt sem tengist akstrinum og tengir ökumann og farþega við umheiminn í gegnum tæknivædd Kia Connect snjallforritið. Farangursrými bílsins hefur stækkað um 80 lítra frá síðustu kynslóð og er nú 591 lítrar en með því að fella aftursætin niður stækkar það í 1.780 lítra. Kia Sportage er með 7 ára ábyrgð eins og allir bílar frá Kia.
EQB er rúmgóður rafbíll með pláss fyrir allt að sjö manns og býður upp á mjög gott farangursrými að auki. EQB er 100% rafbíll með allt að 474 km drægi.
Hleðsluhraði er allt að 11 kW m.v. heimahleðslu en að hámarki 100 kW m.v. hraðhleðslu.
Einkennandi, svört vatnskassahlíf og samfelld ljósaröð að framan og aftan sýnir svo ekki verður um villst að EQB sver sig í ætt Mercedes EQ fjölskyldunnar.
Stafrænt mælaborðið með MBUX stýrikerfinu sem og baklýst innrétting einkenna nútímalegt og hátæknilegt útlit innanrýmisins í EQB.
Sýningin í Öskju fer fram á Krókhálsi 11 og Krókhálsi 13 í húsakynnum Öskju og er opið á morgun, laugardaginn 19. mars, frá klukkan 12-16. Einnig verður Sportage sýndur hjá umboðsmönnum á Akureyri, Akranesi, Egilsstöðum, Reykjanesbæ og Selfossi.
Aðrar umfjallanir
…þá er kominn tími til að gefa allt í botn og þyrla því upp aftur, ekki satt? Eða kannski þyrla upp ryki á nýjum stöðum? Margs er að vænta á komandi keppnistímabili í Formúlu 1. Fyrir utan hádramatíska tilfinningaflækju og margs konar óútreiknanleg fyrirbæri. Hér eru nokkur óflækt atriði.
Núna gengur ein mesta ferðahelgi ársins í garð og margir leggja upp með eftirvagna í eftirdragi. Allir stærri vagnar eru með sitt eigið hemlakerfi sem grípur inn um leið og bíllinn...
Í Bandaríkjunum er hlutdeild bíla sem aðeins nota rafhlöður yfirgnæfandi af bandarískum gerðum
Auglýsingar Veltis á Volvo á árum áður notuðu slagorðið „Fasteign á hjólum”. Að sjálfsögðu gerðu menn smá grín að þessu og töldu þetta slagorð passa vel við...