Bílskúrinn er í margra augum helgur staður. Þar er gert við bíla, þeir bónaðir og alls konar bílatengt fer fram í bílskúrnum. Þar má ekki geyma kassa, gömul föt eða eitthvert tilvonandi rusl. Að breyta bílskúr í íbúð eru helgispjöll. Þannig lítur undirrituð á málin.
Sumir kaupa sér bílskúr og hús fylgir með.
Það er skuggalega algengt að bílskúrar gegni hlutverki geymslu hjá sumum og til eru bílskúrar sem aldrei hafa hýst bíla. En þetta er niðurdrepandi og sorglegt þannig að vindum okkur í mál málanna: Magnaða bílskúra!
Fjallshlíð með innbyggðum bílskúr
Í bænum Herder í Sviss má sjá móta fyrir einhverju kassalaga sem skagar ögn út úr grasi gróinni fjallshlíð. Þetta eru bílskúrar sem svissneski arkitektinn Peter Kunz hannaði. „Teningarnir“ eða kassarnir eru fimm talsins en þarna inni rúmast átta bílar.
Bílskúrinn er frá árinu 1999 og því miður ekki margt um hann að segja annað en að afar lítið sést af þessum flennistóra skúr utanfrá, en það sem sést er virkilega flott. Virkar dálítið eins og bílarnir séu að „horfa“ út um gluggann.
Skúrinn sem varð að tískufyrirbæri
Svo er hér bílskúr úr myndinni Ferris Bueller's Day Off. Myndin kom út árið 1986 og veit ég ekkert um hana annað en að strákar gera óskunda sem tengist Ferrari í svakalega flottum bílskúr.
Hér er myndbrot sem sýnir það atriði:
Þessi bílskúr, sem er að 370 Beech Street í Highland Park í Illinois, hefur veitt fjölmörgum innblástur og hér eru nokkur dæmi.
Þessi er á Nýja-Sjálandi og virðist fátt trufla útsýnið.
Langflestar myndirnar koma frá Bandaríkjunum.
Erum við komin inn í stofu hjá einhverjum? Nei, þetta er bílskúr!
Á þessum myndum eru alla jafna flottir bílar en í sumum tilvikum eru vistarverurnar líkari íbúð en bílskúr. Engir olíupollar og svoleiðis á gólfinu. Enda ekki svo mikið verið að skrúfa sundur og saman þarna.
Græjulegri skúrar
Það er svolítið undarlegt að hugsa til þess að ekki sé gert við bíla í bílskúrum. Eins og þessum hér fyrir ofan. Nú er komið að nokkrum með verkstæðisbrag.
Nú erum við að tala saman! Verkfæralausir skúrar eru nefnilega ekki traustvekjandi. En ég veit ekki með gólfið á myndinni hér fyrir ofan...
Skúrinn frá nokkrum sjónarhornum.
Svo eru þeir nokkrir með græjur en ekki til að brasa í bílunum heldur til að koma þeim fyrir í bílskúrnum. Hér eru dæmi:
Svo byrja töfrabrögðin
TR Design Firm er fyrirtækið að baki þessari hönnun. Hlekkur er hér fyrir neðan.
Einhvers staðar í Austin í Texas.
Sniðugt margt af þessu. Samansafn af hugmyndum og fyrirtækjum er t.d. að finna á síðunni Houzz, en þaðan koma margar myndanna sem hér eru.
Hús, hýbýli og bílskýli - hvar liggja mörkin?
Sumir vilja hafa bílinn inni hjá sér og þá er hægt að hafa þetta nokkuð frjálslegt. Án þess þó að fólk sofi inni á verkstæði og angi af smurolíu. Svona er það t.d. gert:
En aðrir vilja þó hafa skilin nokkuð skýr.
Bjart tómstundarými
Margt af þessu sem næst kemur lítur út eins og uppstilling á listasafni en þetta er víst ekkert svoleiðis. Bara voðalega fínir „bílskúrar“ eða tómstundaherbergi í stærri kantinum.
Þetta teppi eða motta ruglar mann ærlega en niðurfallið fær mann til að muna að þettta er hvorki safn, kirkja né heimili. Þetta er bílskúr.
Braggi sem virkar ekkert allt of spennandi í fyrstu:
En verður svo mjög spennandi þegar inn í hann er komið...
Bílahlöður og annað sveitó
Það má hlaða bílum inn í hlöður. Það virðist nokkuð vinsælt víða í Bandaríkjunum en margar myndanna hér fyrir neðan eru frá Texas. Það er nokkuð ljóst að hlaða sem verður að bílskúr er rúmgóður kostur. Lítum á „hlöðurnar“:
Hver gægisr þarna út?
Hér er alls konar dót en hlöðurnar eru heppilegar fyrir ökutæki af ýmsum stærðum og gerðum.
Og í lokin sést skúrinn, sem er á forsíðumyndinni, að utan.
Ef þú hafðir gaman af lestrinum þá er þessi grein ágætt framhald:
Og svo er eitt og annað sem þessu tengist:
[Birtist fyrst í mars 2022]
Aðrar umfjallanir
Þegar viðskiptavinir segja tæplega hálfa söguna og allt er í heljargreipum er kannski fátt um fína drætti. Eins og þegar komið er með bíl í smurningu en ekki minnst orði á að bíllinn sé sundurskotinn eins og gataskipti. Kannski ekki eitthvað sem maður lendir í á Íslandi!
Karl nokkur í San Jose í Kaliforníu hefur greinilega verið duglegur að klístra Apple AirTag á dótið sitt. Ekki bara á síma, tölvur og snjalltæki heldur á stærra dót eins og pallbílinn sinn. Fyrir vikið gat hann haft uppi á bílnum sínum sem var stolið fyrr sama dag og raunar glæponinum líka.
Glæpamenn og flóttabílar þeirra haldast í hendur, en vissirðu að hugmyndina um flóttabifreið má í raun rekja allt aftur til alræmda útlagans Jesse James?
Auðvitað til að geta ekið bíl áfallalaust, án þess að slasa sjálfan sig eða aðra. Aukinheldur til að komast á milli staða, stunda vinnu, auka lífsgæði...