Nú telur maður mínúturnar niður fram að keppninni í Formúlu 1 í Bahrain. Á meðan beðið er hlýtur að vera snjallræði hið mesta að skoða aðeins hvernig þetta magnaða myndefni kemst til skila og það í beinni!
Ashley Farazmand er einn þeirra sem halda keppendum í fókus fyrir okkur sem fylgjumst með Formúlu 1 í heima í stofu. Hann hefur unnið við kvikmyndatöku í Formúlunni síðan 2007, þá 18 ára gamall.
Hann byrjaði á einföldum verkefnum, vann sig smám saman upp metorðastigann og er nú í eldlínunni. Hann hefur unnið við hverja einustu keppni síðan 2007. Hann er náunginn sem stendur við brautina og finnur gustinn af bílunum og víbringinn þegar þeir þjóta hjá. Örfáum metrum frá.
Það er vissulega hættulegt að standa svo nærri brautinni. Í þetta skiptið var það þó bara filter sem laskaðist. Skjáskot/YouTube
Síðan 2007 hefur Farazmand ferðast með tökuliði Formúlunnar um allan heim og er eitt tannhjól í því mikla gangverki sem kvikmyndun keppninnar er.
Hversu flókið er að fylgja bílum eftir með myndavélinni þegar viðfangsefnið er á nokkur hundruð kílómetra hraða? Hvernig er það til dæmis úr krana í 20 metra hæð? En 40 metra hæð? Er autofocus notaður eða ekki? Hve margar linsur er tökumaðurinn með og hvernig velur hann sjónarhornið?
Allt um það í þessu hnitmiðaða myndbandi:
Aðrar umfjallanir
Eitt mikilvægasta öryggistækið á bílnum eru þurrkublöðin. Núna þegar veður gerast misjöfn er mjög mikilvægt að þau séu í lagi...
Við höfum aldrei verið með neinn formlegan „leik“ hér á Bílabloggi áður þó svo að líf margra okkar sé einn stór og mikill bílaleikur í sjálfu sér. Nú langar okkur að gefa lesendum, já ykkur, kost á að eignast bókina Bílamenning. Leikurinn er einfaldur og hefst hann núna!
Stærri og hagnýtari útgáfan af þessum gamla góða jeppa Suzuki ætti að vera jafn fær utan vega en kemur ekki á markað í Evrópu – að minnsta kosti ekki enn um sinn
Árið 2019 voru framleiddar 92 milljónir ökutækja. 25 milljónir þeirra voru atvinnubílar...