Fimm dyra útgáfa Suzuki Jimny formlega kynnt
Stærri og hagnýtari útgáfan af þessum gamla góða jeppa Suzuki ætti að vera jafn fær utan vega
Kemur ekki á markað í Evrópu – að minnsta kosti ekki enn um sinn
Suzuki hefur kynnt nýja fimm dyra útgáfu af Jimny á Auto Expo í Delí á Indlandi.
Stærri Jimny, sem er opinberlega markaðssettur af Maruti Suzuki á Indlandi, mun ekki koma til Bretlands og annarra Evrópulanda vegna losunarreglugerða.
Þrátt fyrir að þriggja dyra, fjögurra sæta Jimny hafi verið tekinn úr sölu í Evrópu árið 2020, er enn Jimny Commercial á boðstólum í mörgum Evrópulöndum - sem var frekar snjöll leið Suzuki til að lækka útblástur bílaflotans með sendibílaútgáfu af Jimny.
Fimm dyra, fimm sæta Jimny er hins vegar aðeins fáanlegur á Indlandi (þar sem hann verður framleiddur), Afríku og Rómönsku Ameríku.
Venjulegur Jimny er nógu lítill til að vera markaðssettur sem kei bíll í Japan en fimm dyra gerðin er 250 mm lengri eða 3.645 mm - þó að breiddin og hæðin séu þau sömu og þriggja dyra.
340 mm lengra hjólhaf gerir ráð fyrir meira plássi í farþegarými með afturbekk sem fellur saman og skapar 332 lítra af farangursrými.
Með aftursætin uppi er skottrýmið 208 lítrar, mun hærra en 85 lítrar í þriggja dyra gerðinni.
Framan í farþegarýminu er hann nokkurn veginn eins með stórum griphandföngum farþegamegin, níu tommu miðlægan snertiskjá og lítinn skjá á milli hraða- og snúningsmælis – sem gefur upplýsingar um ferð eins og sparneytni og spáða drægni.
Aflrásin er sú sama og áður, sem bendir til þess að stærri fimm dyra verði hægari og aðeins minna sparneytinn.
(fréttir á vef Auto Express, CarScoops og fleiri vefsíðum)
Aðrar umfjallanir
Jaguar Land Rover frumsýnir á þriðjudagskvöld, 10. maí kl. 20 að íslenskum tíma nýjan og endurhannaðan, þriðju kynslóð, útgáfu...
Þegar litið er á þennan grafalvarlega dreng ætti manni að vera ljóst að hann er gríðarlega einbeittur. Ekki leiður, því hann brosir aðeins. Enn þann dag í dag brosir hann sjaldan og er ákaflega einbeittur. Þetta Max Verstappen.
PARIS - Fyrstu blendingamódel (hybrid) Renault fara í sölu í þessum mánuði eftir skammvinna seinkun vegna lokunar...
PARIS - Stellantis mun hefja útflutning á vörubílum til Evrópu frá verksmiðju sinni í Kaluga í Rússlandi, til að mæta aukinni eftirspurn...